Traduzione in ladino

Coleament tras forenadoa Moena – Valbona, vegn confermà l enteres publich per i lurieres

L impiant portamont per coleèr Moena a la stazion a mez di Ronc-Valbona-le Cune l é amò na opera de enteres publich per chela che la Provinzia l’à palesà sie enteres.
En vender ai 28 de messèl la Jonta provinzièla l’à dezidù de deliberèr, aldò de la proponeta portèda dant dal assessor al artejanat, comerz, promozion, sport e turism, Roberto Failoni, che l é la condizions per declarèr l enteres publich e per na valutazion positiva en cont de la fatibilità de la proponeta en finanza del projet portèda dant da la sozietà Leitner Spa, S.I.F. Società Impianti Funiviari Lusia Spa e Funivie Moena Spa.
“Conferme che l’Aministrazion la vel investir te na opera spetèda en lonch da noscia valèdes, per ge dèr na responeta concreta a la domanes del mond del turism e de la firmes – à declarà l assessor Failoni-. L projet l à abù n iter lonch, ma col provediment de anché se podarà jir inant a na vida definitiva envers la fasa esecutiva, e l ne fajarà aer n coleament de fazion e percacent che l miorarà la mobilità smendran l trafich di auti te la valèdes”.