Traduzione in ladino

Benvegnui tel Euregio! I scartabie ence per lengaz de mendranza da loghèr ti Comuns

“Cooperazion Comuns Euregio” l é n projet che tol ite desferenc ambic de colaborazion anter i enc locai di trei teritories. Per jir a fon de vèlch aspet en cont di projec e de la azions che i Comuns del Euregio metarà en esser dessema, en ocajion de la Jonta del GECT stata en jebia ai 29 de setember a Sèn Jan, se à binà ence i presidenc di Consorzies di Comuns di trei teritories. Te la medema sentèda del GECT, con chela de valorisèr la funzion di enc locai tel Euregio, l é stat aproà l projet grafich di scartabie de benvegnù tel Euregio, per arsegurèr l respet de la despozisions pervedudes te vigni raion, col tegnir semper a ment la particolaritèdes de ogne mendranza linguistica.
La grafiches les raprejenta n model che pel vegnir adatà ai besegnes de ogne Comun aldò de la carateristiches de sie teritorie. Do l nulla osta de la aministrazions provinzièles, i comuns i arà l met de loghèr la tabeles.
I Consorzies di Comuns à endodanef palesà sia capazità de lurèr dessema tras chest projet, che perveit de loghèr n scartabel de benvegnù, col meter al luster sencajo la fradaes en esser, al scomenz de duc i Comuns che à fat domana del 2021.