Mercoledì, 28 Settembre 2022 - 10:48 Comunicato 2993

Traduzione in cimbro
Bege von Laaz: di arbatn zo sichra in bege haltante kunt vodar stòrdja un vodar auzseng

Gevuntet bia zo tüana pittnåndar zbisnen in aministratör in an trèff bodase iz gehaltet in Dånte Platz

Ma hatt gevunet alle pittnåndar bele arbatn zo macha aftn bege von Laaz: in an trèff vürgevüart von vorsitzar vodar autonome Provìntz vo Tria un bodase iz gehaltet in Dånte Platz in di vorgånnatn tang, di pürgermaistarn vo Folgrait, Lavròu, Lusérn, Kalnètsch, Leve un Plaif soinse gevuntet pinn provintziàln tèknike – dar djenràl diridjént von Dipartimént vor di infrastruktùrn Luciano Martorano un sostitùtt Diridjént von dianst vor di arbatn afte beng un aisanpån Carlo Benigni – un håm geschètzt mearare optziongen boda soin khent vürgetrakk zo sichra un auzzopezzra in provintziàl bege 133 vo Monterùff boda khint khött Laaz odar Menador odar no Kaiserjägerstrasse.
Von trèff izta auz khent ke dar stòrege bege boda auvar khint bart khemmen gehaltet op un zua azpe dar iz, haltante kunt von groaz vèrt boda hatt disar bege, saiz azpe stòrdja, saiz azpe auzseng un bia dar ziaget zuar di turistn, anvétze zo giana nidarbart izta khent vürgelekk zo macha a galeria lai in nidar, asó makmase mövarn pezzar, darzuar auz nå barta khemmen gehaltet a staige vor di redar.
La riunione in Piazza Dante presieduta dal presidente della Provincia con i sindaci e i tecnici provinciali sulla strada del Menador (di fronte Luciano Martorano dirigente generale del Dipartimento infrastrutture PAT, Carlo Benigni sostituto dirigente del Servizio opere stradali e ferroviarie PAT, Maurizio Fugatti presidente della Provincia Autonoma di Trento, di spalle i sindaci dei territori limitrofi) [ Archivio Ufficio stampa PAT]

Zo macha a galeria sèmm boda dar bege iz engar boma mage viazarn saiz in nidargian saiz in auvar khemmen, lång schiar 400 mètre, odar zo betra gåntz in bege, hebatma gemocht machan arbatn boda hebatn gåntz gebèkslt daz sèll boz iz dar alt stòrege bege, un ditza beratz gest a schade, ma allz ummaz izta mångl azta dar bege saibe mearar sichar. An åndra optziong beratz gest da sèll zo lega an semaforo un gian nidar odar au benn ummaz benn daz åndar, ma ditza hebat augehaltet kartza vil di aute  un di zaitn zo giana nidar un au beratnse starch gelengart un beratnda khent långe sbentz saiz vo aute, saiz vo redar.
In di khlupp da gehenk:  dar  Rendering vodar galeria

Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)

(cdt)


Immagini