Traduzione in ladino

Assegn de cura: sburlà l termin per la domanes per l nef zertament ICEF

[Ladino] L é temp enscin ai 29 de firé del 2024 per portèr dant la domanes per l nef zertament de la condizion economica per poder domanèr l assegn de cura. L lo à dezidù la Jonta provinzièla, aldò de na indicazion del assessor a la sanità Mario Tonina: “L assegn de cura l é n strument emportant, percheche l é stat pissà per dèr didament a la families che secodesc a cèsa persones che no pel per sé – disc l assessor provinzièl. Per ge dèr l met, a chi che l lo ciapà jà, l é stat dezidù de sburlèr l termin, descheche l é stat fat l an passà, col tor su ence la indicazions de Apapi, Agenzia provinzièla per l’assistenza e la previdenza integrativa, e la segnalazions metudes dant dai patronac”. Avisa l é stat pervedù doi meisc de più per portèr dant i modui per se emprevaler del assegn de cura tel 2024, lascian a valer l derit al assegn dal prum de jené del 2024 inant.