“I LAB", pittnan toal übar aniaglana von drai stòrege zungmindarhaitn latt seng, durch interviste un pildar bazzez soin di drai Kulturinstitüt, zimbar, möknar un ladinar. Di Kulturinstitüt soin gehaltet azpe “’z haus” von fölk bosa gehöarn: dena khennese billz soin gemunt khennen dise kamöüschaft o. I LAB iz a progråmm augelekk vodar Stiftung Museo storico von Trentino, un gemacht vo Busacca Produzioni Video.
Di vüchtza toaln vo “Un’immagine, una storia”, anvétze, kontarn aniagladar eppaz vo disan fölk vångante å pròpio vonan stòregen pilt. Schaugante dise djar un est bartma vorstìan di plètz, bazta iz khent getånt, di arbatn vo alle tage un bia da soin gebèkslt in di zait. “Un’immagine, una storia” iz progråmm augelekk vodar Stiftung Museo Storico von Trentino un gemacht vo Motion Studio.
Da untar di date, di titln un baz ma bart seng:
fintzta aftz 20 von hoachnach di 21.00 un di 22.30
I LAB: ISTITUTO CULTURALE MÒCHENO/BERSNTOLER KULTURINSTITUT
In disan toal redetma von Mòcheno/Bersntoler Kulturinstitut pitt soinar arbat zo schütza di zung un von arbatn von museo un von arkìf.
’Z khemmenda gehöart dar direktor Mauro Buffa, dar vorsitzar Luca Moltrer un di prfesören un vorsitzaren von Bizzkomitàtt Federica Ricci Garotti, di museo zuarhaltaren Claudia Marchesoni un dar didaktik ågestèllte Simone Maistri.
Vraita 21 hoachnach di 21.00 un di 22.30
I LAB: ISTITUTO CIMBRO/KULTURINSTITUT LUSÉRN
In disan toal geatma atz Lusérn a lånt vo pèrge bodase vinnt atz schiar 1300 mètre höache zo khenna in Zimbar Kulturinstitut Lusérn un di stòrdja von folk boden gehöart, a folk boda no redet an alta taütscha zung. Dar Kulturinstitut hatt azpe zil zo geba vèrt disarn zung zo schütza un vürzovüara in etnografege un kulturàl schatz vodar kamòuschaft vo Lusérn. ’Z khemmenda gehöart dar direktor Willy Nicolussi Paolaz dar ågestèllte Fiorenzo Nicolussi Castellan, berda nåsteat dar komunikatziong Stefano Nicolussi Castellan Galeno un di kulturàl asistént Valentina Nicolussi Castellan.
Såntzta 22 hoachnach, di 21.00 un di 22.30
I LAB: ISTITUTO CULTURALE LADINO/ISTITUT CULTURAL LADIN
In disan toal geatma zo khenna in Istituto Culturale Ladino/Istitut Cultural Ladin "Majon di Fascegn".
Dar Institut kan soin setz atz San Giovanni di Fassa, darzuar in groaz vèrt bodar hatt vor di kamòuschaft, haltetar offe a spetzializarata bibliotèk un a bichtegar stòrege, leteratùr un forografege arkìf.
In Institut izta gepuntet dar Ladinar Muséo vo Fascha boda gitt groazan vèrt in auzlegom un in edukatìf dianst: ’z khemmenda augelekk laboratòrie, didaktik aktivitét un arbatn auzbene. ’Z khemmenda gehöart di dirèktören Sabrima Rasom, di bibliotekardja Alberta Rossi, di zuarhaltaren Daniela Brovadan un berda nåsteat in edukatìf dianst Martina Chiocchetti.
Menta 24 hoachnach, di 12.00 un di 19.00
UN’IMMAGINE, UNA STORIA: SPECIALE MINORANZE
Earstar toal: daz höcharste håbe von Dolimìtn
Zboate toal: a zimbar insel afte hoachebene
Draite toal: da taütsch schual vo Palai in Bernstol
Erta 25 hoachnach, di 12.00 un di 19.00
UN’IMMAGINE, UNA STORIA: SPECIALE MINORANZE
Viarte toal: di kråmar von möknar: komertschént un båndrar
Vünfte toal: daz groaz vaür vo Lusérn
Sèkste toal: dar ladinar vaschom
Mitta 26 hoachnach, di 12.00 un di 19.00
UN’IMMAGINE, UNA STORIA: SPECIALE MINORANZE
Simmte toal: werk Lusérn un daz groaz kriage
Achte toal: di optziongen in Bernstol
Nöünte toal: balda iz khent augemacht di schützhütt Contrin
Fintzta 27 hoachnach, di 12.00 un di 19.00
UN’IMMAGINE, UNA STORIA: SPECIALE MINORANZE
Zente toal: an auzseng atzMoena
Ullefte toal: di höff von Bernstol
Zbölfte toal: di schualn vo Lusérn
Vraita 28 hoachnach, di 12.00 un di 19.00
UN’IMMAGINE, UNA STORIA: SPECIALE MINORANZE
Draitznarste toal: ’z gekhnöppla a traditziong vo djarhundartar
Viartznarste toal: Musìl un daz groaz kriage in Bernstol
Vuchtznarste toal: di traditziong von koskrìttn in Fassa tal
Di toaln bartn khemmen gelatt seng atz History Lab, kanàl 602 von earde didjital un in streaming aftz hl.museostorico.it
ma bartze mang seng o affon kanàl youtube vodar Stiftung Museo storico von Trentino: youtube.com/museostorico
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
