Martedì, 28 Febbraio 2023 - 11:48 Comunicato 531

Traduzione in cimbro
A sperimentàl televisiong vor di stòregen zungmindarhaitn von Trentino

Auzgelatt a eksploratìf meldung vor berda arbatet in disan sektor

Dopo in switch off vo TML – Teleminoranze Linguistiche, dar kanàl boda iz gest lai vor di stòregen zungmindarhaitn, dar Dianst vor di Zungmindarhaitn vodar autonome Provìntz vo Tria hatt detzidart auzolega an sperimentàl dianst HBBTV (Hybrid Broadcast Broadband TV), a televisiong boda tramettart saiz durch khabl vodar antèna, saiz durch khabl vo rete, eppaz vürsnar baz di smart televisiong.
’Z izta khent auzgètt a meldung zo vorstiana bida berat epparummaz interesàrt zbisnen in sèlln boda arbatn in disan sektor, boden ånemmat, vor a djar, disan sperimentàl prodjèkt. ’Z bearat zo trasmettra durch HBBTV video übar di zungmindarhaitn zimbar, ladinar un möknar, daz mearaste lai in muatarzung, boda innhaltatn teledjornél, trasmisiongen zo vorstianasan mearar übar dise fölk un edukatìf un schual progrémm.
Un servizio sperimentale di HBBTV (Hybrid Broadcast Broadband TV) per le minoranze linguistiche storiche del Trentino [ Ministero per lo sviluppo economico]

Dar prodjèkt iz khent vürgelekk dar Konferéntz von Zungmindarhaitn, dar bichtegarste vortretar von stòregen zungmindarhaitn kamöüschaft, boda hatt khött ke ’z magat gian guat, zo sichra alln drain in zungmindarhaitn ’z rècht zo haba a infomartziong durch televisiong in soin muatarzung, asó azpe da khint auzgemacht von provintziàln nòrmen.

Mearare detailn übar dar meldung, boda bart skadarn di zbölve von menta 6 von lentz, makmase vennen aftn portàl vodar autonome Provìntz vo Tria aftz disan link:

https://sicopat2.provincia.tn.it/pubblicazioni/#/avvisi/dettaglioavvisi?id=75&codiceSA=SA00000845&codiceSistema=1

Übarsetzt von Schaltarle vor di zung von Toalkamou vodar Zimbar Hoachebene

(cdt)


Immagini