La mostra met dant l Infopoint del Euregio desche n lech nef olache la jent del Tirol, del Sudtirol e del Trentin pel se scontrèr e la sporc n contribut emportant contra i azidenc a cajon de la levines. “ I vijitadores enetressé i pel, estra che troèr fora informazions agiornèdes dintornvia l pericol de levines, tor su neves su la levines, sun sia carateristiches, sui livie de pericol e cognoscer i evenc prinzipèi sozedui a cajon de la levines da la la Gran Vera inant. Amò apede, n quiz multimedial a la fin de la mostra, ge dèsc l met a gregn e picoi de sperimentèr chel che i à emparà”, l’à amò dit Astrid Mair, e l’à envià i vijitadores a vegnir a veder la mostra col ge sporjer n gran develpai a duc chi che à tout pèrt al projet: i tropes Servijes Levines del Euregio, l grop del Euregio, l curator Stephan Hofinger de idees Concept  Exhibition Engineering GmbH Innsbruck e Martin Kofler del TAP Tiroler Photoarchiv Lienz-Bruneck, che l à metù a la leta sia fotos storiches de la levines tel Tirol orientèl. Autra fotos de la mostra les é states metudes a la leta dal Archivie de la zità de Dispruch, da la Forzes Armèdes austriaches, dal Socors da Mont  del Tirol e dal Archivie privat de Mederle de Persenon.

La mostra permanenta “Euregio Avalanche Report" la é metuda fora aló dal Infopoint del Euregio te Wilhelm-Greil-Straße 17 de Dispruch da lunesc a jebia da les nef da doman a mesdì e da la does domesdì a les cinch da sera e de vender da les nef da doman a mesdì. Autra informazions se pel les lejer sul boletin levines del Euregio sul sit https://valanghe.report.
 
Fotoservije e imagines per endrez de Euregio

Download imagines e intervista chiò:  https://we.tl/t-8Q2sPjTXGP   https://we.tl/t-RCLj05RvpP

Traduzion di Servijes Linguistics e Culturèi del Comun general de Fascia