Pitt disarn auzlegom dar Infopoint von Euregio khint z’soina a platz bodase mang vennen alle di laüt von Tiról, von Südtiról un von Trentino un helft nå azta nèt azuvalln disgratzie untar di lavìn.
Berda zuargeat mage darvern nèt lai di lestn informatziongen übar di perikole, ma ’z mage khemmen zo khenna allz übar di lavìn, bia da soin gemacht, biavl da soin perikolosat un alle di sèlln boda soin abekhent sidar in earst bèltkriage vürsnen. Darzuar a multimediàl quiz boma vennt an lestn dar auzlegom gitt modo, saiz in khindar, saiz in groazan, auzoprovàra bazma hatt gelirnt” hatta no khött di Astrid Mair, rüavante di laüt z’sega di auzlegom un khödante vorgèllz gott alln in sèlln boda håm genump toal in prodjèkt: alle di Dianst vor di lavìn von Euregio, dar team von Euregio, dar kuratór Stephan Hofinger vo idee Concept & Exhibition Engineering GmbH Innsbruck un Martin Kofler von TAP Tiroler Photoarchiv Lienz-Bruneck, boda hatt geholft pittn stòregen fotografìan von lavin in ost Tiról. Åndre fotografìan auzgelekk soin khent gètt von arkìf vodar statt vo Innsbruck, von österraichegen Armee Krafte, von Tirólar Perg Schütz un von privàtt arkìf Mederle vo Bressanon.
Da ståndege auzlegom "Euregio Avalanche Report" mage khemmen gesek kan Infopoint von Euregio in Wilhelm-Greil-Straße 17 vo Innsbruck von menta aftz fintzta von di 9.00 sin di 12.00 un vo di 14.00 sin di 17 un an vraita vo di 9.00 sin di 12.00. Zo bizzasan mearar aftn boletì von lavìn von Euregio makma gian z’sega afte websait https://valanghe.report.
Foto un pildar von Euregio
Download pildar un intervista da: https://we.tl/t-8Q2sPjTXGP https://we.tl/t-RCLj05RvpP
Übarsetzt von Schaltarle vor di zung von Toalkamou vodar Zimbar Hoachebene
