Martedì, 14 Luglio 2026 - 13:36 Comunicato 2093

Marchiori: “Asó böllbar gem a rispòsta boda steat un gelaich vor alle in gåntz Trentino”

Vonungspolitike, vortgenump di altn kritèrie: zisan destrar in gåntz Trentino

Traduzione in cimbro

[Cimbro] Nåstian in mångl zo haba zisan destrar un bèksln di sèlln bodada soin vor di quartìarn zo leba bèkslante di kritèrie boda bartn varlérn vor in gåntz Trentino. Ditza lekkta vür di delibera vorgelekk von asesór vor di vonungspolitike, Simone Marchiori, ågenump an vraita atz 10 von höbiat vodar provintziàl Djunta. Dar provedimént iz khent z’soina mångl zo sichra zo macha innhaltn in di zait initziativan auzordinàr bodada sa soin haüt un di sèlln boda magatn khemmen gemacht in di djar boda khemmen, baispil auzrichtn di haüsar zo vorzisa in di lentar auz ar a bege bodase learn.
“Bar bölln asó gem a rispòsta boda innhaltet in di zait un gelaich vor in gåntz Trentino – hatta khött dar asesór Marchiori – dar mångl zo haba an quartìaro pittnan zis boma mage auhaltn geat nemear å lai in stattn. Mapàrante alle di lentar haltpar au in konkrèt di teldar un süachan azta di laüt nèt vortgian von sèlln lentar mearar auz ar a bege, gebante an djüstn strumént vor di sotziàl politike”.

Luserna [ Archivio Ufficio Stampa PAT]

Sin haüt dar höcharste khost vor an zis iz gest gevestet lai vor 12 groaze Kamöündar (Ala, Arco, Burge, Cles, Lavis, Leve, Mezzolombardo, Mori, Pèrsan, Riva aftn Garda Sea, Rovrait un Tria). Pitt disan provedimént, zo rispundra aftn mångl zo haba zisan boma mage auhaltn in di åndarn lentar o, khinta darkhennt bazma mocht zaln daz mearaste in alle di Kamöündar vodar provìntz, innvüarante, boda iz mångl, spetzifege diferentzan lånt vor lånt.

Da zboate bichtege naüge iz ke ’z izta khent ågenump a “håndl zone” (boda innhaltet di maurn un allz bazta åsteat in quartìaro auzbene o) azpe naüge kritèrio zo roata di gröaze in mètre quadre, in platz vo “nütz zone” azpez iz gest sin haüt. Zo soina sichar von höacharste zis boda mage khemmen gevorst vor quartìarn zo leba gelekk garècht odar naüge, izta khent gehaltet kunt vo bazta schètzt dar Osservatorio del Mercato Immobiliare (OMI) von Augel Åmt, bazta khint geschribet vo akreditarate djornél un von lånt akòrde, allz ditza gelekk panåndar pittnan bizzschaftege metodo vo ISPAT (Statistìk Institutt vodar autonome Provìntz vo Tria). Vor disan provedimént barta soin khummadar khost vor in provintziàl Bilåntz. Darzuar dar provedimént iz khent geschètzt von CAL un di pürgarmaistarn håm gestimmt djüst saiz di arbat gemacht, saiz in metodo genützt.

Pildar un interviste von prèss Åmt

Intervista in asesór Simone Marchiori