“I intervenc su la fermèdes – va inant l president – i vèrda la linia de coleament co la sentes de la garejèdes, che la vegnarà endotèda con neves mesi ecologics e percacenc che Trentino Trasporti la é do a comprèr tel chèder di investimenc per l 2026. Se trata de n miorament struturèl, per la calità de la vita e di servijes, che l restarà desche eredità positiva ence do l Gran event e che l fèsc pèrt di investimenc pervedui per l potenziament de la mobilità publica da n pont de veduda de inovazion e sostegniboltà ti teritories enteressé”.
“L miorament del trasport publich te la valèdes de Fiem e Fascia l raprejentea n’autra tapa per l arvejinament del Trentin a la Olimpiades e Paralimpiades 2026 – la paroles del assessor provinzièl Mattia Gottardi -.
N empegn per chel che noscia provinzia la é do a se dèr ju e che l tol ite estra che impianc sportives duta na lingia de operes leèdes a la infrastruturazion e ai servijes. Scomenzan apontin dal renforzèr la mobilità publica, che la sarà emportanta per favorir l’azessiboltà ai lesc che ge dajarà lèrga a garejèdes e manifestazions, ma ence na prospetiva de legacy olimpica per l teritorie”.
Tel detai, l’opera – spartida su te doi pèrts – la perveit de adatèr 22 fermèdes, endrezèdes a cobia sui doi versc de la strèda, de cheles che 10 les é te Fiem (Ciastel, Ciavaleis, Tieser, Juan, Pardac) e 12 te Fascia (Moena, Vich, Pera, Ciampedel, Cianacei, Penia) enlongia la streca del trasport publich su la strèda 48 de la Dolomites che la é coleèda con Trent.
I intervenc prinzipèi pervedui i vèrda:
• fèr su piataformes uzèdes e spazies a sosta per spetèr la coriera;
• l adatament di spazies de manovra e de fermèda per i mesi del TPL;
• jontèr ite percorsc pedonèi segures e tor demez i empedimenc architetonics;
• endrezèr e meter fora segnaletica, lumes e sistemes de segureza a servijes de la fermèdes.
L’opera la é coleèda con etres intervenc de miorament e adatament ai standard de segureza e azessiboltà per duta la rei del trasport publich tel Trentin.
Chiò i dac prinzipèi per la doi pèrts:
Fermèdes TPL te Fascia
Projetist: enj. Andrea Giovannini
Diretor lurieres: enj. Andrea Giovannini
Coordenador de la segureza te la fasa de esecuzion: p.end. Walter Tomazzolli
Responsabol del Prozediment: enj. Giancarlo Anderle
Firma che à ciapà l apalt: F.lli Giovanella srl, Cembra Lisignago (TN) per na suma de perferida de 477.772,00 euro tout ite i cosć per la segureza de 25.964,43 euro che fossa n rebas del 1,123%.
Cost en dut del projet: 700.000,00 euro, de chi che 482.903,42 euro per lurieres tout ite i cosć per la segureza (25.964,43 euro), e 217.096,58 euro per sumes a la leta de l’Aministrazion.
Temp per fèr i lurieres: 90 dis da canche vegn consegnà i lurieres con fin perveduda ai 23 de dezember del 2025
Fermèdes TPL te Fiem
Projetist: enj. Marco Sontacchi
Diretor lurieres: enj. Marco Sontacchi
Coordenador de la segureza te la fasa de esecuzion: enj. Marco Sontacchi
Responsabol del Prozediment: enj. Carlo Benigni
Firma che à ciapà l apalt: Grop Temporan de Firmes metù adum da:
Cooperativa Lagorai (mandataria) Borgo Valsugana (TN), Porfido ed Arte Consorzio Stabile A.R.L. (mandant) Albiano (TN), Inco S.r.l. (mandant) Pergine Valsugana (TN) per na suma de perferida de 286.898,48 euro tout ite i cosć per la segureza de € 16.073,48 che fossa n rebas del 1,500%.
Cost en dut del projet: 580.000,00 euro, de chi che 291.022,72 euro per lurieres tout ite i cosć per la segureza (16.073,48 euro), e 288.977,28 euro per sumes a la leta de la aministrazion.
Temp per fèr i lurieres: 90 dis da canche vegn consegnà i lurieres con fin perveduda ai 30 de dezember del 2025.
Traduzion di Servijes Linguistics e Culturèi del Comun general de Fascia
