[Ladino] La Jonta provinzièla l’à aproà, en vender ai 11 de messèl con n provediment proponet da l’assessora a la cultura Francesca Gerosa, l avis 2025 per l sostegn de projec spezifics metui a jir dai musees etnografics recognosciui da la Provinzia autonoma de Trent, a chi che g’é stat destinà per chest an la suma de € 240.000,00 en dut.
“I projec i revèrda l’ativitèdes outes a tegnir su e a valorisèr la cultura locala, la tradizions populères e l folklor, ma ence dialec e saeres. Pisson, per ejempie, a la gestions agricoles, di bosć e di pèscoi e del teritorie, a la formes de partezipazion de duta la comunanza te la gestion di bens comuns, ai patrimonies populères caraterisé da elemenc rituèi, etnocoreutics e de la musega. Investir te chisc musees vel dir creer te noscia storia e voler la mantegnir viva, acioche sia memoria no la vegne destrabonida” – l’à declarà l’assessora Gerosa.