Ufficio Stampa della Provincia autonoma di Trento

Sabato, 04 Gennaio 2025 - 13:41 Comunicato 23

Traduzione in ladino
“Pedies”: l é fora la puntata #467 del program ladin per la televijion

Manà fora su Trentino Tv l program l vegn endrezà dal Comun General de Fascia

[Ladino] Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata 467.
I argomenc de chesta setemèna l é: jir a rampeèr su la giacia l é un di sport più fascinegoi, da marevea e de forza anter chi da d’invern. L menacrep Mauro Dorigatti ne fèsc cognoscer chest sport da ardiment anter i lesc più giacé di monc; se à serà su la seconda sescion 2024 di ejames per l zertament de la cognoscenza del lengaz e de la cultura ladina; la presidentes de la comiscion Evelyn Bortolotti e Sara Merighi porta dant i ejic; te la rubrica “Lesc: cuchèr te ogne piz e cianton” ve porton aló dal Hotel Dolomiti o miec, DOLOMITEN HAUS CIANACEI. Dessema con Gabriele Valentini, enrescidor de storia locala, cognoscion chest frabicat storich.
La guida alpina Mauro Dorigatti in arrampicata su una parete di ghiaccio [ TV Ladina]

I report de chesta setemèna, enjigné da Riccardo Zanoner, Angela Pederiva e Sabrina Riz, i vegn porté dant da la ousc de Angela Pederiva.

Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Südtirol, “Pedies” l va fora su Trentino Tv vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).

Se pel veder duta la puntates ence sul canal YouTube de TV Ladina sot chest link: https://www.youtube.com/@TvLadina

Se pel veder i servijes un a un su la piata Facebook de TV Ladina: https://www.facebook.com/TelevijionLadina

Traduzion di Servijes Linguistics e Culturèi del Comun general de Fascia

(cdt)

Fonte: Ufficio Stampa

Versione Stampabile

Immagini

Visualizza

Potrebbero interessarti: