Ufficio Stampa della Provincia autonoma di Trento

Martedì, 17 Gennaio 2023 - 14:31 Comunicato 101

Traduzione in mòcheno
Zòmmmtrèff van Sprochminderhaitn, Bisesti: “Òcht gem en de Sprochminderhaitn ist der zil va de Provinzalregiar”

En ma’ta as de 16 van genner hòt se gahòltn der 36^ trèff van derstelltn van ladiner, zimber ont bersntoler gamoa’schòftn

En de vria as de 16 van genner, en videokonferenz de derstelltn van ladiner, zimbern ont bersntoler gamoa’schòftn hom se pfuntn ver en 36^ Zòmmtrèff organisiart van Dinst van lokaln sprochminderhaitn ont europeisce audit va de Autonome provinz va Trea’t. Der trèff hòt se gahòltn en Trentinische Sol van Sitz en Dante Plòtz ont s hòt toalganommen der lear, universitet ont kultur asesor Mirko Bisesti as hòt trong de grias van president va de autonome Provinz va Trea’t Maurizio Fugatti.
“I moa’ as òcht gem en de Sprochminderhaitn ist der zil va de Provinzalregiar va de autonome Provinz va Trea’t”, hòt er tsòk der asesor Bisesti, s bart kemmen vourstellt a regiarpuach ver de schualn; dòs mòcht verstea’ as de Junta tuat ver dòs òrbetn “schoa’ en u’vong van schick  ver za giltn der inger ourt schauk men za zigln de jungen ver za sai’ toal van a gamoa’schòft, ont men hòt tschbunnen as men miast u’learnen de learer, innziachen de studentn ont tschèrln de temen as kemmen va sei vourtschbinnt ont as mòchen sa hearn a gamoa’schòft. A pasuach va IPRASE, hòt unterstitzt as de studentn sai’ mear bundere za kennen de ausòndern dinger va de inger Provinz, ver de gschicht ont ver de lokalninnrichtn. Verstea’ de lokalòrbet van sprochminderhaitn, ober gor de sèll auslònt ont de europeischinnrichtn sai’ bichte ver za lòng bòcksn de ingern jungen ont dòs ist verpuntn gor en de projektn drinn en de schualn as sai’ kemmen tschbunnen en Euregio, as hòt der sai’ President en Trentin: an plick en de gschicht ober schaung sèll as bart kemmen”, hòt er kein der asesor.
Un momento della 36^ Conferenza delle Minoranze linguistiche con l'assessore alla cultura Mirko Bisesti [ Archivio Ufficio stampa PAT]

S hom toalganommen en zòmmtrèff gor de Gliuliana Cristoforetti, viarer van Dinst van lokaln sprochminderhaitn ont europeische audit va de autonomoe Provinz va Trea’t, as hòt gadenkt de vil projektn as barn kemmen enviretrong va de Provinz en doi jor, s kimmp ausgem en de schualn va zboate grad s puach ver za zigln en de gamoa’schòft “Minoranze e società inclusiva” as ist kemmen gamòcht zòmm pet de Universitet va Trea’t, as unterstitz s gilt, de bichteket ont de òrbet van Sprochminderhaitn en inger lònt. En 2023 kemmen vourtschbunnen gor stunnen ver za learnen de learer van schualn as klòffen taitscha sprochen, no de sèll as kemmen gamòcht ver de ladiner ont naia trèffen pet de “Dialoghi con le Minoranze”.

Bail der Zòmmtrèff ist kemmen vourstellt biavle gèlt as men hòt ver de minderhaitn ver en 2023, as sai’ mear as 738 tausnt euro. S doi gèlt ist ver projektn runt bichte ver za derretn de sprochminderhaitn ont as kemmen enviretrong va lokalnamministrazionen, schualinnrichtn ont kultur institutn, ver de projektn va de Provinz, ont va de politik ver de sproch ont ver de kultur van Comun General de Fascia, ont ver en plan van nochrichtn. De zòmmriaf hòt gem en derlab ver en gèlt as ist schoa’ kemmen gem ver de projektn u’ganommen.

Noch sèll as ist patschrim en de verregln, de lait as mòchen toal van sprochminderhaitn hom s rècht za hom nochrichtn tschrim oder za meing sechen en de sproch va minderhait ver òll gamoaschòft. Der zil ist der sèll as de sproch van minderhaitn kimmp praucht en lem va òll to, en familia ont benn as men vinnt se zòmm, asou as de kriak mear bèrt. S bart bichte sai’ gem mear qualitet ont hom mear nochrichtn ont dòs billt song as men bart miasn suachen mearer beirter ver za versterchern de sproch va de minderhait. S bart nou bichte sai’ gem bèrt en de nain technologie ont en de nain media, ver za mòchen prauchen de sproch en de nain jungen aa. De zuazoln ver de òrbetn as kearn en druck ont en de nochrichtn ist va 430 tausnt euro.

Letratn van Druckomt
 

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol

(cdt)

Fonte: Ufficio Stampa

Versione Stampabile

Immagini

Visualizza

Potrebbero interessarti: