Giovedì, 22 Gennaio 2026 - 16:52 Comunicato 135

En de mitt van trèff der Nochrichplan ont abia za toaln aus s Provinzalgèlt ver de sprochminderhaint ver en 2026

Zòmmtrèff van sprochminderhaitn, Marchiori: "An trèff as schauck va de zukunft van òlla de insern gamoa’schòftn"

Traduzione in mòcheno

[Mòcheno] De hòt se gahòlten en mitta as de 21 van genner en Sol Depero, kan sitz va de autonome Provinz va Trea’t der XLI Zòmmtrèff van sprochminderhaitn, der orgl as noschauck en de politik van ladiner, van bersntoler ont van zimbern. En de mitt van trèff der Nochrichplan ont abia za toaln aus s Provinzalgèlt ver de sprochminderhaint ver en jor 2026, ont de nain virm ver za versichern ont schatzn s kennen ont de kultur va de sprochminderhait ont òndra sòchen. S hòt augatu’ der trèff der provinzalassessor en de politik ver en haus, pahalter, demanio ont unterstitzn van kennen de Autonomi Simone Marchori, as van sai’na beirter hòt er unterstraicht de bichtekait za vinnen se bail der Zòmmtrèff. “Der doi ist an bichtegen moment ver za vertiaven, ver za kennen se pesser ont ver za bòcksn, nèt lai ver en sèll as keart de sprochminderhaitn, ober ver de gònze lòntschòft, ver za schaung va de zukunft van insern gamoa’schòftn: hauptsechlech an moment va Autonomi”, hòt er tsòk der assessor.

[ Foto servizio Minoranze linguistiche e relazioni esterne]

S sai’ gaben de toalnemmer, zbischn de beiln der regionalassessor Luca Guglielmi, de istituzional derstelltn van Gamoa’n ont van sprochminderhaitngamoa’schòftn, de derstelltn van ladiner, bersntoler ont zimber kulturalinstitutn, de viarer van schualn ont van òrbetschualn van sprochminderhaitnlender, der president va de Union di ladins de Fascia ont der president va de Union generela di ladins dla Dolomites. S hòt toalganommen en zòmmtrèff de Viareren van Dinst ver de Sprochminderhaitn ont ausbendegen netzn Elisabetta Sovilla.

Ver en nochricht ont druck Plan, der programm hòt vour za gem bèrt en de nainòrbetn as mòchen kennen de sprochminderhaitn aus van aigene lander, notschauk van kultural Institutn ont van Comun general de Fascia. Zbischn de doin, de saitn as af de zaitungen af sproch gadruckt kemmen, de nochrichtn va de boch, de radio programm ont de sòchen gamòcht ver en web ont as mer af mearera sender sechen mu’, de sprochkursn ont òndra editorial ont va nochricht naiekaitn as gem de moglechkait za baitern de nochricht, vermearern de benutzer ont verpessern de sprochqualitet va de nochricht. S gèlt van provinzal Fondo ver de sprochminderhaitn ist va 700 tausnt euro ont van doin s mòchen toal aa de òrbetn abia kein ver de informazionen as de minderhaitsproch ont de sèlln gamòcht direkt va de Provinz, iniziativen ont projektn as bèrt hom ver en schutzn van sprchminderhaitn vourtrong va de lokaln amministrazionen, de schualn de kulturaln institutn ont s zuazoln van kulturaln òrbetn ver de sprochpolitiker van Comun General de Fascia. Nem en doi gèlt s hòt nou ondra derzua ver òndra òrbetn abia de trasmission ORF1 ont ORT Sport as hom abia zil sèll za gem en de lait de moglechkait za hom kanai as taitsch, asou za aribarn en gònzn za hom 900 tausnt euro.

Bail der trèff ist kemmen klòfft aa van a toal bècksln en verregl ver de virm ont de kritern ver en versicher van kennen van sprochminderhaitn ont de zertifikatn as no kemmen ver za mòchen der esam no en de standard QCER.

Letrat ont filmat gamòcht van Druck Dinst

Download letratn ont vrong do