Traduzione in ladino
“Pedies”: l é fora la puntata #457 del rotocalch ladin
Manà fora su Trentino Tv l program l vegn endrezà dal Comun General de Fascia
[Ladino] N nef apuntament de “Pedies”, l rotocalch ladin de informazion, ruà a la puntata 457. I argomenc de chesta setemèna l é: Paroles fora de crigna: l é stat prejentà l nef liber de Fabio Chiocchetti del Goti publicà da l’Union di Ladins e dedicà a la paroles da zacan desmetudes o desmentièdes che revèrda erbes, èrc e lurieres; la coa di picioi de Fascia l é n ejempie de n servije che rejona col teritorie per n svilup percacent, e la é doventèda n laboratorie de formazion ence per autres profescionisc’ che se dèsc ju te chest setor; le “Lingue Morte” les à portà dant n conzert aló da la Grenz a Moena: 17 cianties anter veies e neves, per se passèr na sera en compagnia anter recorc, robes da se contèr e se grignèr; a Soraga l é stat portà dant na scontrèda entornvia l segnificat de la Olimpiades 2026 per nosc raion, n event che l tol ite n mingol duta la comunanza e per l’ocajion l é stat chiamà sun paladina ence atlec de Fascia.
I servijes de chesta setemèna, enjigné da Angela Pederiva, Sabrina Riz e Riccardo Zanoner, i vegn porté dant da la ousc de Riccardo Zanoner.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Sudtirol. “Pedies” l va fora su Trentino Tv vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
Se pel veder duta la puntates ence sul canal YouTube de TV Ladina sun chest link: https://www.youtube.com/@TvLadina
Se pel veder i servijes un a un su la piata Facebook de TV Ladina: https://www.facebook.com/TelevijionLadina
Traduzion di Servijes Linguistics e Culturèi del Comun general de Fascia
(cdt)
Immagini
