Simone Deromedis e Jole Galli protagonisć de la garejèdes da gran spetacol de la Copa del Mond de Ski Cross ta Sèn Pelegrin. De gra al lurier fat adum da la sociazions de sport de val Monti Pallidi, Ski Team e Fassa Active coordené dal comitat Gregn Evenc, Fascia se à endò confermà lech de nonzech per competizion de gran prestije. 

Co la intervista del Comandant di Polins de Fascia Gianluca Ruggiero porton dant l endrez de la forzes del orden endèna i jeghes olimpics e chel de la viabilità. L ne recorda che no vegnarà serà la strèdes, che per jir a veder la garejèdes l é servijes de corieres debant e che fossa benfat passèr manco che se cogn per Fiem, se mai jir da Ciareja jun Busan o fèr l Sèn Pelegrin.

L zircuit ski alp 4 valli La Sportiva, scomenzà ai 9 de jené a Belamont co la 29° Skialp Cauriol – 4° memorial Elisa Defolorian, l è ruà te Fascia ai 30 de jené per la seconda garejèda, la 11° Moena Skialp che pea via dai Ronc e rua fin sun Valbona endrezèda da la socazion Bela ladinia. 

L projet “Idiomi celesti” dal 2024 en ca l dèsc l met de cognsocer l’astronomia, emparèr a vardèr l ciel e lejer la steiles te desferenc lengac. L osservatorie Serafino Zani de Brescia, col didament de Francesca Limiroli – astrofila e planetarista, l met dant tesć e audio ence per ladin, coscita da conjobièr la marevees del ciel e lengaz de la mère.

I reports de chesta setemèna i é stac enjigné e porté dant da Angela Pederiva e Riccardo Zanoner.

Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Südtirol, “Pedies” l va fora su Trentino Tv – canal 10 Prov. de TN- vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc). 

L program ades l va fora ence sun AltoAdige TV – canal 11 de BZ - vigni domenia da les 18.00 (sie da sera).

Se pel veder duta la puntates ence sul canal YouTube de TV Ladina sot chest link:
https://www.youtube.com/@TvLadina

opuramenter se pel veder i servijes un a un su la piata Facebook de TV Ladina
https://www.facebook.com/TelevijionLadina

Traduzion di Servijes Linguistics e Culturèi del Comun general de Fascia