De austell bèckslt der Infopoint van Euregio en an nain trèffplòtz ver de lait van Tirol, van Sudtirol ont van Trentin ont gip an bichtegen paitrog en voursechen van unvòlln ver schneala’n. “De pasuacher as enteressiart sai’ meing u’schaung de aktuelln nochrichtn iber en de nochrichtn va pfèrlechkait, ober de meing se informiarn iber de schneala’n aa, iber de sai’na karaktern, de pfèrlechkaittrittn ont iber de bichtestn schneala’n as passiart sai’ van earste Bèltkriag envir. Derzua, an kloa’n multimedialquiz zan leistn va de ausstell lont inn de groasn ont de kloa’n za probiarn avn plòtz sèll as de galeart hom”, hòt nou tsòk Astrid Mair, ont de hòt inngalont de pasuacher en de ausstell ont de hòt gèltsgott tsòk en òlla de sèlln as toalganommen hom en projekt: de Schneala’ndinstn van Euregio, der team van Euregio, der kurator Stephan Hofinger va idee Concept & Exhibition Engineering GmbH Innsbruck ont Martin Kofler van TAP Tiroler Photoarchiv Lienz-Bruneck, as an paitrog trong hòt pet de gschichtlegen letrattn van schneala’n van Osttirol. De òndern letratn va de ausstell sai’ gem kemmen van Arkiv va de stòtt va Innsbruck, van osterraichen Armeekreft, va de Pèrghilf van Tirol ont van privatarkiv Mederle va Brixen.

De ausstell “Euregio Avalanche Report” mu pasuacht kemmen kan Infopoint van Euregio af de Wilhelm-Greil-Straße 17 va Innsbruck van ma’ta finz en pfinsta va um 9:00 finz um 12:00 ont va um 14:00 finz um 17:00, ont en vraita va um 9:00 finz um 12:00. S gip òndra nochrichtn iber de schneala’n van Euregio af de sait https://valanghe.report .

Letrattn ont pilder kuriart van Euregio

Download van pilder ont van gesproch do:  https://we.tl/t-8Q2sPjTXGP      https://we.tl/t-RCLj05RvpP

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol