Vegn prevedù trei categories, che corespon a chisc livie: 

    • Livel 1: scola populèra: Sudtirol, Trentin), Volksschule (Tirol); 
    • Livel 2: scola mesèna (Sudtirol, Trentin), scola mesèna (Tirol – Mittleschule e prum bienie de AHS); 
    • Livel 3: scola auta, prumes doi egn (Sudtirol, Trentin), pruma doi classes de la scola auta (Tirol). 

L é a la leta diesc modui didatics en cont de argomenc desche storia, lengac, mobilità e identità. Aldò de la cognoscenzes binèdes su, i gropes clasc i lurarà fora un o più che un argomenc aldò del livel scolastich. I formac domané desche ejic del lurier di joegn partezipanc doventa manaman più senstres: a scomenzèr dai poster ai neves media, scin a manufac o prodoc tel chèder de la èrts visives e performance art, de la musega e de la letradura. Ognemodo, se domana n muie de creatività. 

La classes les pel tor pèrt col se registrèr su la piataforma online scola.euregio.info , ciarian sie elaborac. 
Vegnarà selezionà la clasc miora per vigni categoria e per teritorie. Te la categories 1 e 2, chesta classes les vegnarà envièdes a tor pèrt a n event finèl comun. Te la categoria 3, enveze, la classes selezionèdes les tolarà pèrt a na scontrèda de doi dis te un di trei teritories del Euregio. Duta la scoles che tol pèrt les podarà se vantèr per un an de scola del titol “Scola Euregio”. 

Tel davegnir la piataforma online la vegnarà amò svilupèda. Aló jirà ite i ejic del projet “Euregio goes school”: a la fin de mé, de fat, pontarà via la scomenzadiva cofinanzièda da la Union Europeèna tel chèder del porgram Interreg Tèlia-Austria, che binarà adum duta la perferides per la scoles tel Euregio Tirol-Sudtirol-Trentin, ge les metan a la leta al sistem educatif a na vida coordenèda. 

Traduzion di Servijes Linguistics e Culturèi del Comun general de Fascia