Ber magda åvorsan un bazta iz vo naügez boma mocht håm
’Z mangda åvorsan di famildje boda soin khindar boda håm zbisnen in drai månat un sin in månat von snitt bosa kompìrn drai djar. Dar schütz khint gètt vor di earstn zboa khindar vodar gelaichegen muatar saiz azza soin soi, saiz azza soin adotàrt, ’z iz genumma azza gehöarn dar famildja boda åvorst un azza soin inngeschribet in an edukatìf dianst (khindarèst, khindarèst in di plètz vodar arbat, famildjàr khindarèst-Tagesmutter) odar boda håm zuargètt di “Dianstschèk FSE+” vodar Provìntz vo Tria.
Zo maga håm in schütz berda åvorst mocht håm in vonsitz in Trentino, an zoagar bia ’z izta gelekk soi famildja (ICEF famildja) boda nèt iz höachar baz 0,70 un habe sa inngètt in vorsch un dena inngezoget in “schütz khindarèst”  auzgezalt vo INPS.

Bia ’z khinta auzgezalt ’z gèlt
’Z gèlt khint geroatet åna in Dianstschèk FSE+ un schütz khindarèst vo INPS un åna aniagladar åndadar öffentlesche schütz zuargètt vor di gelaichegen ziln. ’Z mangda khemmen gètt bidrùmm in gåntzan sin atz 2.500 euro vor khinn un bartn soin auzgezalt asó:

• ICEF ≤ 0,40 100% von sèll boda hintarsteat (sin atz 2.500 euro atz djar)
• ICEF > 0,40 un ≤ 0,70 50% von sèll boda hintarsteat (sin atz 2.500 euro atz djar)

Sidar benn ’z khint auzgezalt un bia innzogeba in vorsch
Vorz djar 2026 bartma åhevant auzzala von earst von herbestmånat 2026 vort: vo disan tage, di rèchnung auzgètt von khindarèst bartn mochan khemmen inngeschribet in gelaichege mentsch vodar famildja boda inngitt saiz in vorsch vor in  schütz khindarèst vo INPS saiz vor disan schutz.
Dar vorsch bart mochan khemmen inngètt vo berda vorst, lai durch a plattform online afte websait vodar Provìntz www.provincia.tn.it  odar durch di emtar von patronètt in di zait zbisnen abrèl un herbestmånat von djar dòpo in sèll boda iz khent gezert ’z gèlt vor ’z khindarèst. Vor disa earst bòtta barta khemmen auzgezalt bazta iz khent gezert åhevante von earst von herbestmånat 2026.
Di kritèrie un bazta iz mångl soin khent gemacht von provintziàl Åmt vor di sotziàl pintom, alz  vortretar vor di politike vor di famildja, anvétze vor bazta ågeat di operatìf sachandarn izta någestånt daz provintziàl Åmt vor di hilfe un integratìf previdéntz (Apapi), pittnåndar pinn åndarn maz augelekk vor di famildje.

Zo bizzasan mearar
Autonome Provìntz vo Tria – Åmt vor di sotziàl pintom 
Telefón:  0461 494110
E-mail: agenzia.coesionesociale@provincia.tn.it

Interviste prèss Åmt 

https://drive.google.com/drive/folders/1NYj_ycdv8kDF-kFMZDC0Kbtd0Y_MA4fd?usp=sharing

Übarsetzt von Schaltarle vor di zung von Toalkamou vodar Zimbar Hoachebene