Darzuar inan vestegen toal dar schütz khint gekreschart azta di muatar kheart afte arbat odar haltet vür soi arbat. “Åhevante von drai djar von khinn – khütta no dar Spinelli – khinta vürgelekk zo geba mearar in müatar boda khearn afte arbat odar boda åhevan a naüga arbat sèlbart o. Tünante asó haltetma au pittnåndar pittar geborthait di arbat von baibar un gètt mearar vèrt in lentar o. 

’Z maz
’Z maz iz augelekk vor di sèlln famildje boda håm soin vonsitz in di Provìntz vo Tria un boda, åhevante von earst von hoachnach 2026, izta gebortet odar izta khent adotàrt daz draite khinn. ’Z khinta vürgelekk a vestegar toal boda geat nå in bilåntz vodar famildja, geschètzt nå dar ICEF Famildja.

’Z khemmenda vürgelekk drai klasse:

• vor famildje pitt ICEF sin atz 0,40, dar schütz darkhennt iz  48.000 euro, auzgezalt in toaln vo   400 euro  aftn månat sin balda ’z khin kompìrt di zen djar;
• vor famildje pitt ICEF obar atz  0,40 un sin atz 0,70, dar schütz darkhennt iz sin atz 30.000 euro, auzgezalt in toaln vo 250 euro aftn månat;
• vor famildje pitt ICEF obar  0,70 odar åna ICEF, khinta o zuargètt a schütz daz mearaste vo 30.000 euro, auzgezalt in toaln vo 250 euro aftn månat.

Dar vorsch vor in vestege toal von gebort schèk mocht khemmen inngètt vodar muatar vor da auz soin di 90 tang sidar azta iz gebortet ’z khinn odar sidar az iz khent adotàrt durch di emntar von patronètt boda soin in di lentar vodar Provìntz. Di rècht zo maga håm in schütz mochan soin di sèlln boma hatt balda iz gebortet odar balda iz khent adotàrt ’z khinn. 

Darzuar in vestege toal mangda khemmen zuagètt 200 euro aftn månat vor di müatar boda, åhevante von draite djar von khinn khearn afte arbat odar gian vürsnen z’arbata aulegante an arbat se sèlbart o. Disar toal darzuar bart khemmen auzgezalt in mentsch boda hatt ågevorst a bòtta aftz djar sin azta daz draite khinn kompìrtr di zen djar, di muatar bart mochan zoang balse inngitt in vorsch zo haba gearbatet ’z djar pellar daz mindarste 180 tang siånka az nèt nå un nå o. Dar earst vorsch zo haba ditza gèlt in mearar bart mochan khemmen inngètt durch di patronètt boda soin in di lentar vodar Provìntz.

Baz ma mocht håm un di bichtegarstn kritèrie
Dar schütz iz vor famildje boda håm soin vonsitz in di Provìntz vo Tria boda von earst von hoachnach 2026 izta gebortet odar izta khent adotàrt daz draite khinn. Di bichtegarstn sachandar boma mocht håm zo haba in schütz soinz, darzuar zo haba soin vonsitz in di Provìntz vo Tria, azta di muatar un khindar gehöarn alle dar gelaichegen famildja un azta di muatar habe sa pellar gearbatet odar azze arbat balda bortet odar balda khint adotàrt daz draite khinn, odar no, azze habe ingètt di kontribute almånko vor zbölf månat in di lestn vünf djar.

Dar schütz bart khemmen auzgezalt von provintziàl Åmt vor di hilfan un di integratìf vorsorge.

Intervista in vitzevorsitzar Spinelli

Di pildar 

Übarsetzt von Schaltarle vor di zung von Toalkamou vodar Zimbar Hoachebene