Arbatn S-136: garedegarn un betarn in provintziàl bege n. 133 von Laaz – toal 2
Dar prodjèkt lekk vür zo macha an umkhear pittnan diåmetro vo 34 mètre boda bart khemmen gemacht sèmm boda dar provintziàl bege n.133 kraüztze pinn statàl bege n. 349. Zo maga machan da naüge umkhear bartma mochan machan auzgian in lest tòkko von bege von Laaz betar au zuar in pèrge, grabante in kròtz un dena sicharn di renn pitt aisarne nètz un kubln zo pinta, zoa azze austea.
In da gelaichege zait bartma mochan machan loavan in Statàl Bege 349 betar nidar haltanten au pittnar maur gemacht pitt gåntz groaze khnottn. Auz nå in bege bartnda khemmen gelekk kòrdole pitt botümm un andre sachandarn zo zoaga garècht in bege. Di arbatn leng o vür zo macha a naüga nètz von tum zo traga vort ’z bazzar balz renk. Zo sichra no mearar in bege bartnda khemmen gelekk liachtar (marker Led) danidar boda zoang hoatar bo ma tarft gian.
Uantze responsabile von protzedimént: inz. Carlo Benigni – diridjént von Åmt vor di arbatn afte beng un afte aisanpån – vodar Provìntz
Prodjèktistn: djòmetra dar Walter Nicolussi Zatta un dar djòmetra Marco Valentini – Åmt vor arbatn afte beng un afte aisanpån – vodar Provìntz
Koordinatór vodar sicharung in fase prodjèktatziong: inz. Mauro Pontalti – Tria
Prodjèktist von impiånte: p.i. Michele Conci – Tria
Geologesche relatziong: Geol. Riccardo Campana – Geologesche Åmt – vodar Provìntz
Di arbatn von zboate toal bartn khemmen zo khosta in gåntzan 925.400,00 euro vo disan 25.400,00 euro vor di sicharung.
Zait zo macha verte di arbatn: 168 tang.
Lestar tage zo geba inn di opfarn von firme gerüaft: 16 kristmånat mittartage.
Earst setz gara: 16 kristmånat di zboa un a halbez in tages.
Übarsetzt von Schaltarle vor di zung von Toalkamou vodar Zimbar Hoachebene
