Tel detai, la prozedura la perveit de dèr su i servijes tecnics de enjegneria e architetura projet de fatibilità tecnich-economich (PFTE), l projet esecutif (PE) e chel de la segureza endèna la projetazion (CSP) de l’opera (con sigla S-1021). 

La suma aldò de la basa de garejèda, al net de la opzion, di agravies previdenzièi e de la SVE, la é de € 5.880.997,04.

L avis l perveit la consegna de duc i documenc del projet de fatibilità tecnich-economica e de la pruma indicazions per l pian de segureza e coordenament dant che sie passà 167 dis da canche ponta via la prestazion. Per l projet esecutif e l pian de segureza e de coordenament de referiment l termin l é stat stabilì te 104 dis da la comunicazion del scomenz de la prestazion, do aer tout su i pareres pervedui endèna la conferenza di servijes sul PFTE. 

Per la realisazion de l’opera, metuda ite anter i intervenc strategics de l’aministrazion provinzièla, l é pervedù n finanziament de presciapech 141 milions de euro. La neva strèda (UF1) la sarà longia presciapech 3,2 chilometres, de chi che presciapech 2,8 te n tunel. 

Responsabol unich del prozediment e comissarie straordenèr de l’opera l é l enjegner Bruno Lorengo. 

Traduzion di Servijes Linguistics e Culturèi del Comun general de Fascia