L contrat l arà na regnèda de cinch egn e do l termin l podarà vegnir renovà n’outa demò. L soget che venjarà l concors l cognarà fèr n trat de temp de proa. Endèna l temp de proa, l candidat che vegn tout l cognarà fèr n temp de formazion obligatoria de natura teorich – pratega, per n temp de 150 ores, de chestes 120 ores en prejenza con obligh de frequenza per n minimal de ores che corespon al setantacinch per cent de dut l temp entriech de la formazion en prejenza.

L percors formatif de obligh teorich-pratich l vegnarà fat da IPRASE. Endèna l trat de temp de proa, al venjidor ge vegnarà dat sù da l’Aministrazion n tutor che l cognarà ge stèr apede en prejenza, olache l è titolèr de sia scola o te la scola olache l è titolèr l tutor medemo. L tutoraje l podarà vegnir fat, en pèrt, ence a la maniera da dalonc, per na regnèda en dut de amancol 150 ores.

Anter la neves del avis edizion 2026, apede a la formazion de obligh tecnich-pratega de 150 ores e a la prejenza del tutor, l é pervedù che l vegnarà recognosciù 3 credic a chi che i arà fat, aló da l’Università de Busan, l Cors de auta formazion per l Lengaz e la Cultura ladina e Antropologia de la Èlpes ANTROPOLAD. N percors che l à desche obietif chel de smaorèr e jir ite a fon te la competenzes per i setores de la linguistica, de la letradura e cultura ladina e ence de l’antropologia de la Èlpes e de la didatica.

Traduzion di Servijes Linguistics e Culturèi del Comun general de Fascia