Traduzione in ladino
“Pedies”: l é fora la puntata #470 del program ladin per la televijion
Manà fora su Trentino Tv l program l vegn endrezà dal Comun General de Fascia
[Ladino] Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata 470.
I argomenc de chesta setemèna l é: MindfulTEA: l rituèl del té compagnà da la meditazion. Na degustazion e n viac sensorièl vidé da la soula Tea Sommelier de Fascia, Gessica Defrancesco; “L’Isola che non c’è”, l grop de letura per gregn dedicà ai libres per bec e tousc. La d.ra Elisabetta Vanzetta, spezialisèda te letradura per bec e tousc, promozion a la letura e pedagogia de la letura, en colaborazion co la biblioteca de Sèn Jan, la compagnarà educatores, ensegnanc e genitores a cognoscer la produzion editorièla per l’infanzia; n auter apuntament co la rubrica “Lesc: cuchèr te ogne piz e cianton”. Chest’outa jiron a Someda, frazion de Moena, olache Maura Chiocchetti Batesta la ne portarà a veder frabicac veiores, riches de storia.
I report de chesta setemèna, enjigné da Riccardo Zanoner, Angela Pederiva e Sabrina Riz, i vegn porté dant da la ousc de Sabrina Riz.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Sudtirol, “Pedies” l va fora su Trentino Tv vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
Se pel veder duta la puntates ence sul canal YouTube de TV Ladina sot chest link: https://www.youtube.com/@TvLadina
Se pel veder i servijes un a un su la piata Facebook de TV Ladina: https://www.facebook.com/TelevijionLadina
aduzion di Servijes Linguistics e Culturèi del Comun general de Fascia
(cdt)
Immagini
