Vegn chiamà ite ai 28 de november la Redunanza generèla del Istitut Cultural Ladin “majon di fascegn”, con n rengraziament e n recort istituzionèl per duc chi che se à dat ju per l fèr crescer
Na Gran Radunanza spezièla per i 50 egn de la Majon di Fascegn
Traduzione in ladino
[Ladino] Na Gran Radunanza emportanta per la Majon di Fascegn chela dai 28 de november da les 5 domarena te Sala grana del Istitut Ladin, a Sèn Jan. Chest an l ent zelebrea 50 egn da sia fondazion, del 1975, stata con lege provinzièla n 29 dai 14 de aost del 1975. N travert emportant, che l Istitut vel spartir con duc chi che te chisc egn a lurà e se à dat ju, portan sia gaissa e sie contribut profescionèl e personèl emportant per l fèr crescer.
L é stat cernù apontin la ocajion de la Gran Radunanza, perveduda dal Statut del ent, per festejèr chisc 10 cinchenees a na vida istituzionèla, chiaman ite politics provinzièi e dal post, ombolc, aministrazions, presidenc, personal e colaboradores che te chisc egn à lurà col Isitut, apede a duta la jent de Fascia e da foradecà che à a cher chesta istituzion.
Fora per l 2025 l é stat metù a jir desvaliva scomenzadives anter la jent: la colaborazion col Carnascèr de Ciampedel leà a la atività del Museo Ladin, de mèrz; de jugn la scontrèda soziolinguistica sul Ladin Dolomitan per valorisèr la atività linguistica e de enrescida; la scontrèda de la mendranzes de la Tèlia te la Gran Festa da d’Istà, de setember, a Cianacei; e sacotanta autra scomenzadives de festa, enrescida e colaborazion states e amò da meter en esser per serèr su l an. Chel de en vender ai 28 sarà l moment del bilanz e del confront che i no pel mencèr tel inom de la condivijion de na identità de duc.
Ben segur che, apede al recort istituzionèl, te la Radunanza vegnarà portà dant l lurier del Istitut e tout su idees e proponetes per l davegnir, ajache la Majon di Fascegn l é dantdaldut la cèsa de la jent, l scrign de la memoria del passà, ma apede ence la fojina de neves projec e de la idees per l davegnir, n davegnir che à amò n muie da sporjer per i ladins.
Traduzion di Servijes Linguistics del Istitut Cultural Ladin de Fascia
(S.Ra.)
Immagini
