L intervent che à costà 1,5 milions de euro à dat l met de miorèr la segureza e la staboltà del viadot
Lurieres seré su aló dal Pont de Peles, la strèda del Fedaa la é endò orida
Traduzione in ladino
[Ladino] Se pel endò passèr su la strèda statèla 641 del Jouf de Fedaa, te Fascia, che la é stata serèda dai 15 de setember scin ai 31 de otober, per poder fenir i lurieres aló dal “Pont del Peles”, che à abù mioramenc. De gra al intervent gestì da l’Agenzia provinzièla per la operes publiches, sul viadot l é stat fat n muie de lurieres per l comedèr, l slarièr e l renforzèr. “Chisc gregn lurieres che se cognea fèr i é stac fenii dant de la sajon da d’invern e i à dat l met de miorèr la segureza e la percacenza de la strèda che coleea l jouf de Fedaa e la Marmolèda, col arsegurèr l coleament anter Trentin e Venet – à dit l President de la Provinzia autonoma de Trent Maurizio Fugatti. I lurieres fac à fat acioche l pènt l sie più stabol e segur, l stravardan ence dal risech de teremot e da chel de la levines”.
Opera S – 887 – Comedament Pènt del Peles su la SS 641 del Jouf de Fedaa
Coi lurieres fac l é stat mudà fora la sezion zentrèla con una neva de acèl de peton, l é stat fat su n parei de protezion aut 5 metres per stravardèr i auti che passa e l é stat slarià la strèda interna del viadot da 6 a 7 metres. L é stat pervedù ence de de renforzèr duc i pilèstres del pènt, de renforzèr l basament metan ju micropèi.
Projetist e diretor di lurieres: enj. Marco Zanuso
Responsabol del Prozediment: enj. Carlo Benigni
Cost en dut a basa de encant: € 2.033.390,06 spartì su te € 1.585.584,63 per lurieres tout ite i agravies per la segureza e € 447.805,43 per sumes a la leta per speises no pervedudes e etres agravies.
Firma che fèsc i lurieres ZAMPEDRI LORENZO S.R.L. con senta a Perjen (TN), Frazion Viarach con n rebas perzentuèl del 6,673% per na suma en dut de € 1.484.822,58.
(cdt)
Immagini
