A plòttform iber de grenzn ver en empowerment van jungen
Der jungenrot  hòt gamòcht a plòttform ver za gem de moglechkait en de jungen za toalnemmen en sèll as mòchen de orgln van EUSALP ont versichert as de sai’na ideen ont sèll as de tschbinnen kemmen u’ganommen.
De toalnemmer schaung za enviretrong de politik ont de projektn ver de alpn ont enviretrong konkretn òrbetn, projektn ont naiekaitn. De vourstelln ideen en de politiker van Stòttn ont de regionen van EUSALP ont schaung za anauhòltn de sai’na regionen en europeische livell. De jungen tea’se organisiarn ont learnen za nemmen toal en de demokratische òrbetn pet verschidene sprochen ont kulturn. En glaiche vurm EUSALP leart van jungen za nemmen aunaia ideen van lait as barn as de Alpn lem. Der rot vinnt se viar oder vinf vert en de zait as der ist innstellt ont zòmmòrbetet durch strumentn ver za klòffen se va vèrr en temateschn gruppn ver za vourtrong òrbetn. De jungen as sai’ kemmen u’tsòk miasn tschbinnen en a pahòltlege riarn se, zòmmhengen se en òndra naia òrbetn ver de jungen, òrbetn ver de zukunft van alpine regionen ont sensibilisiarn asn natural ont kultural pahalter van Alpn.

Vrong finz af de 12 van moi 2026
De vrong miasn inntrong kemmen durch en portal EUSALP . Der  Jungenrot hòt abia rif der sèll za tschbinnen drau af de ònderskait va de Alpnlòntschòft, ver dòs bart men en drautschbinnen abia za tschernen, asou za versichern a glaichbeng struktur zbischn de jungen as de vrog mòchen van sim EUSALP lender, ver plòtz, geschlècht ont òrbetn ver jungenorganisasionen. De Stòttn ont de Regionen EUSALP  barn de roaskostn lucken ver de trèffen ont de naiekaitn en de beiln as toalnemmen de Rotkonsiliarn ont de barn de sai’ hilf gem. Ver za bissn mear: https://alpine-region.eu/alpine-youth .

EUSALP (EU Strategy for the Alpine Region) ist a Makroregional Strategi aupaut en 2015 van Europarot ver za versterchern de transfrontaliar ont interregional zòmmòrbet af nen definiartn plòtz, der sèll van Alpn, ver za gem omport en zòmmòrbetn. En EUSALP nemmen toal sim Lender: vinva van EU (Balschlont, Fronkraich, Taitschlònt, Osterraich ont Slovenian) ont zboa aus de EU (Schbaiz ont Liechtenstein), ver en gònzn 48 regionen, ont derzua de zboa Autonomen Provinzn va Trea’t ont Poazn. De Strategi geat no en pahòltlege regiar van naturpahalter ont van kulturpahalter ont billt verlaichtern de konnettivitet ont s derzuakemmen en de pèrgplatz, turch òrbetn as s verpesser unterstitzn. òndra nochrichtn af: https://alpine-region.eu/ .

Derzua: plakatl

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol