Prais vor di pestn fotografìan
Di prais boma gebinnt un boma nèt mage vorlìarn “Euregio Bundle” haltn inn (aniagaldar) a proschèkkle, an rengmåntl, a thermos, a franelele un a dèstarz gadjòff kalandèrdjele.
Di prais bartn khemmen gètt in sèlln bodase håm gebunnt un soine fotografìan bartn khemmen genützt vor da earst sait von kalandardjo, vor aniaglan månat odar vor in collage vo pildar. Darzuar barta khemmen gelatt a sait drinn in kalandardjo von Euregio 2023 vor di laüt boda håm gebunnt.
Alle di pürgar un di pürgaren von Euregio Tiról-Südtiról-Trentino mang nemmen toal in in konkórs. Ma mage schikhan sin atz viar fotografìan vor aniaglana stadjong (in gåntzan makma schikhan sin atz 16 fotografìan). Dar Euregio vorst zo schikha di fotografìan daz höatarste boma mage, un darzuar schraim eppaz vo bazma sek un vo ber ’z hattze gemacht.
Ma mage nemmen toal sin atz 4 von herbestmånat 2022 gianate aftn link: https://www.europaregion.info/it/concorso-fotografico/
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
