Der president van Euregio ont van Südtirol Arno Kompatscher hòt klòfft: “Ber tea’ hait au an nai kapitl ver de bètternochrichtn ver de gschicht va de region as gip eppes mear en de lait as lem sa, as òrbetn oder de vrai zait traim en Euregio. De bètterkòrt mòcht derzua kennen de geografi van Euregio”.

Zan leistn van probamoment, zolt van program Interreg van EU pet en nu’m TINIA, der projekt ist gem kemmen en de Autonome Provinz va Trea’t, en sai’ Toal van Zivilschutz, balder ont vicher, as de òrbetn koordiniart. Der Trentin ist vroa gaben za gem der sai’ paitrog pet de sai’ kompetenz ont plinder, hòt derzuatsòk der president va de Autonome Provinz va Trea’t Maurizio Fugatti: “Dòs lòk de moglechkait za sechen en Sudtirol ont en Tirol aa de bètternochrichtn, gamoa’ ver gamoa’, gamòcht en Trentin”, der hòt unterstrichen.

Nochrichtn as sechen kennen barn òlla de lait as noat hom va ganaua bètternochrichtn, hòt unterstrichen der president van Tirol Anton Mattle: “S ist ganua tschbinnen en de òrbet van zivilschutz ont en de nutzn as de trok en de sicherkait van lait, en lòntschòftbèrk ont en turismus”.

De oa’zlnhaitn va Meteo Euregio sai’ vourstellt kemmen van referentn va de òrbetgruppe: Erica Covi va Meteotrentino ont de vourstea’ner van Omtn ont van kompetentn  Dinstn, Bruno Bevilacqua, vourstea’ner van Dinst ver en voursicht van pfèrlechkaitn ont oa’zegenoatzentral ver en Trentin, Michela Munari ver en Sudtirol ont Klaus Niedertscheider ver en Tirol. Af de websait men mu sechen de vourtschbinnen van bètter en pèrg aa pet nochrichtn va mearer heachekaitn zbischn de 1500 ont de 3000 m, ont men mu drinngea’ en de datn van bètterstazionen ont en de pilder van webcam as avn lònt sai’ en de echtzait.

Der record van Monte Maria: bètternochrichtn van 1856
De kirchlait va de Abbazioa van Monte Maria nemmen aro temperatur, precipitazionen ont schneaheach finz sait en 1856. S sai’ de eltestn offizialn bètterdokumentn van gònze gschichtlege Tirol en taitscha sproch. No sèll as sok Padre Anselm Krieg ont Günther Geier (Omt Bètterschòft ont voursechen van schneala’n), de doin mèsseraien as òlbe ganommen kemmen sai’ van gònze Euregio ist runt bichte ver de untersuachen iber en klima.

Men mu sechen online de bètternochricht van Euregio af englesch (meteo.report ), taitsch (meteo.report/de ) ont balsch (meteo.report/it ) ont af de websait van Euregio . De nain bèttervoursichtn, abia tsòk, barn galeik kemmen af de bèettersait va de Provinz va Poazn ont af Meteotrentino .

Letrattdinst gamòcht van Druckomt

Video gamòcht van Euregio

Ver za nemmen aro de pilder ont de vrogn drucken do: https://drive.google.com/drive/folders/14waTG3mYlLU3s_ZQlbwZneUpQ1gAd2ZY?usp=sharing

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol