Vegn ametù al fianziament intervenc per endrezèr sistemes de gestion de l’èga te la mèlghes, desche poc da l’èga, vasches, resservares e brenc, tout ite ence i impianc de fitodepurazion. Vegn portà dant ence l recuperament di pèscoi da mont arbandoné e l miorament di habitat de la rei Natura 2000. L avis l sostegn ence i lurieres per fèr su sieves de legn tradizionèles e l ressanament conservatif de cheles de sasc, compagnèdes se en cajo da sieves o da sieves da èlbres, desche ence sistemes con eletrich per defener l bestiam da la besties magnacèrn e de strutures per la defendura di baic de la eves (Bienenhaus).
L contribut l cour l 70% de la speisa ametuda enscin a n mascimal de 100mile euro per benefizièr, perzentuèla che la pel vegnir smaorèda ence al 80% se i intervenc i vegn pissé da Sociazions forestales. Pel portèr dant domana i patrons o chi che à la gestion del teritorie, tant publics che privac, estra che i bachegn, arlevadores de la eves, e sia formes soziatives o consorzièles.
La domanes les cogn vegnir manèdes ite demò online dant dai 30 de jugn del 2025, tras l portal del sistem informatif agricol provinzièl SRTrento, azessibol a la direzion https://srt.infotn.it/ oppure tramite il sito https://a4g.provincia.tn.it/ .
Duta la informazions avisa les é a la leta sul sit istituzionèl del Servije Foreste ( https://forestefauna.provincia.tn.it/Foreste/Attivita-forestali/Contributi-allo-sviluppo-rurale-PSP-2023-2027 ).
Traduzion di Servijes Linguistics e Culturèi del Comun general de Fascia
