Ufficio Stampa della Provincia autonoma di Trento

Mercoledì, 23 Settembre 2026 - 14:37 Comunicato 2727

Naia paitrogn finz der 100% ver de earstn zboa kinder ont jorzuazoln finz as de 2.500 euro 
Bonus ver de vourkindergartn: de Provinz versterchert de hilf ver de familie ont ver en augea’

Traduzione in mòcheno

[Mòcheno] De autonome Provinz va Trea’t mòcht an tritt envire ver za vernaiern de augea’politik ont asou gem mear hilf en de familie turch naia birtschòftregln as nidern de kostn ver de u’leardinstn ont ver en kindergòrtn. De hilf as ist kemmen u’ganommen va de Provinzaljunta, de ist kemmen tschbunnen ver za hèlven de familie as hom zboa kinder ont as lem en provinz va Trea’t. De hilf luckt finz der 100% van kost as plaip en de familie, asou za laichtern de dinstn ont de zaitn as hom de familie as òrbetn. “De doi nai hilf as de vourkindergartn ist nèt der oa’zege, ober der mòcht toal van an organische ont an strukturiarte be as de Junta ist noch za trong envire ver za hèlven de familie bail as de kinder bòcksn. I tschbinn en paitrog ver en dritte kinn, en de reform as de paitrog A  van provinzal oa’zegeschèck, en de hilf ver za gem bèrt en de Gamoa’n as riskiarn za verliarn lait oder en “Bando Haus” ver za kaven oder ausrichtn s earste haus, ont nou en “bonus ver de òllgamoa’meivernsemittln” ver za ringern de hoa praiser van karburantn. Der zil ist der glaiche ver òlls, gem rèchta ompòrtn as tauern en de zait en de familie”, sok der president va de Provinz, Maurizio Fugatti.
“De Provinz glap en de familia, pet de doi mossnemm kimmp praucht an bichtege zuazol as bek asn òllgamoa’bilanz, ont s mòcht verstea’ as men bill hèlven pet an bichtegen zuazol de familie as kinder hom ver za vernaiern de dinstn - de doin de beirter van vicepresident ont assessor asn birtschòftverpesser, en de òrbet, en de familia, en de universitet ont en de untersuach Achille Spinelli-. “Gèltsgott en de doi mossnemm, zòmm pet òndra abia der Bonus ver en dritte kinn u’ganommen en mu’net van heibeger, de Provinz bill hèlven de familie ont de baiber as òrbetn, s lem ont s plaim asn lònt ont verpessern de lòntschòft ver za meing u’vòngen naia projektn va lem ver de familie”.


Ber mu’ vrong ont de naiekaitn as sèll as men praucht    
S meing vrong de familie as hom kinder as hom an elt zbischn de 3 mu’net finz en agest van jor as de barn hom de 3 jor. Der paitrog kimmp gem ver de earstn zboa kinder va de sèlber mare, biologes oder adoptiv, ober de miasn sai’ va de glaiche kernfamilia va ber as vrok ont de miasn inntschrim sai’ en de auziglndinstn (kindergartn ver de gònz klea’ner kinder, van òrbetplòtz oder Tagesmutter) oder en de dinstn ver de Dinstzeitln FSE+ en de provinz va Trea’t.
Ver za kriang der paitrog ist s noat as ber as vrok an anagrafese residenz hòt, an ICEF familia nèt heacher va 0,70 ont as schoa’ a vrog inntrong hòt, ont schoa’ zolt kriak, van “paitrog vourkindergòrtn” ausgem van INPS.

Abia as der paitrog ausschauk
Der paitrog kimmp garèchnt vort ganommen van gilt van Dinstzeitln FSE+, van paitrog vourkindergòrtn INPS ont van an iatn ònder òllgamoa’paitrog as men kriak hòt. En jor bart men finz 2.500 euro kriang meing ver an iats kinn ont pet en doi vurm:

    • ICEF ≤ 0,40 100% va sèll as vonzt (finz en nèt mear abia 2.500 €/en jor)
    • ICEF > 0,40 ont ≤ 0,70 50% va sèll as vonzt (finz en nèt mear abia 2.500 €/en jor)

Va benn as men de kostn rèchnen mu ont virm va vrog
Men mu inntrong kostn, ver en 2026, za vòngen u’ van easrte va leistagest 2026: va do envir, de rechnungen van kindergartn barn miasn trong der nu’m van mentsch va de glaiche kernfamilia as de vrog en INPS mòcht ver en paitrog kindergartn va de INPS, ont en de Provinz ver en doi bonus vourkindergòrtn.
De vrog bart miasn inntrong kemmen durch en online-sistem af de sait va de Provinz www.provincia.tn.it oder durch de patronatn en de zait zbischn oberel ont leistagest van jor derno en beil as men de kostn zolt hòt. Ver en doi earste vòll, bart men u’nemmen de kostn as van earste van leistagest 2026 zolt kemmen sai’.
De virm ont sèll as men praucht ver za gea’ drinn sai’ tschbunnen kemmen van Bèrk ver de hilfpint va de Autonome Provinz va Trea’t, as òrbetet ver de familiapolitik, ont enveze s operativregiar kimmp envirtrong van Provinzalbèrk ver de mithilf ont de integrativvoursorge (Apapi), asou abia de òndern birtschòftmòssn ver de kernfamilia.

Ver za kriang nochrichtn:
Autonome Provinz va Trea’t - Bèrk ver de hilfpint
Telefon: 0461 494110
E-mail: agenzia.coesionesociale@provincia.tn.it

Vrog gamòcht van druckomt:
https://drive.google.com/drive/folders/1NYj_ycdv8kDF-kFMZDC0Kbtd0Y_MA4fd?usp=sharing

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol

(cdt)

Fonte: Ufficio Stampa

Versione Stampabile

Immagini

Visualizza

Luogo

Come arrivare

Potrebbero interessarti: