[Mòcheno] De alpregionen, aa benn de sai’ va mearer Stòttn, vinnen se vilvert vour en glaicha problem. Ver dòs, hòt men kirzlech klòfft, bail en trèff van “Iberschauer Arge Alp” - der orgl gamòcht van dersteller van lender as en doi moment de presidenz va de òrbetgamoa’schòft hom, de hom sa en vourder jor gahòp ont de barn sa en jor as kimmp aa hom, Vorarlberg, Trentin ont Bayern - iber en de mossn ont en de projektn as en gòng sai’.
Abia birtschòftlege ont lebetn plòtz, de alpinregionen miasn an innovativ plòtz plaim ver de bèrkn ont en turismus, asou za plaim ònderst abia regionen, ober de miasn tschitzt kemmen abia platz van a guata lemqualitet. Der Alpinplòtz bart noat hom za hom an rèchtn vurm ver za gea’ enkeing en hòrtn dinger as kemmenen vourstellt, abia as hòt kein der president van Vorarlberg ont der president van Arge Alp Markus Wallner, as hòt galòk sechen abia de ingern eirter meing se verpessern lai benn en de jungen kimmp gem de moglechket za òrbetn. Iberhaup der networking en sektor va de u’lear ont a stòrcha zòmmòrbet en òlla de praich van alpnlem, schelletn mear paroatn de lait van alpnraum ver de zukunft. En trèff hom zòmmgaòrbetet en netz der vicepresident va de Autonome Provinz va Trea’t, Achille Spinelli, ont, ver en Bayern, der Stòttminister Eric Beißwenger.