“Di paing, pittnåndar pitt åndre impolinatör insèkte – hatta khött di Zucchelli – håm an ruòl boda mage soin genump vo niamat åndarst, saiz zo halta di biodiversitét, saiz vor di låntbichschaft. Bia ’z stianda di paing un biavl da soin, zoaget garade di gesunthait von ekosistème: boda di paing stian garècht, di natùr steat garècht. In dise lestn djardar dise bichtege insèkte soin khent starch gestört, soi habitat iz khent hèrta khlümmanar, dar tozze boda khint genütz vor di låntbichschaft un dar klimabèkslom laise laise machanse schiar auzkraparn alle.
Zo khempfa kontra disarn krise, di Citizen Science (di bizzschaft boda nemmen toal di pürgar o) iz furse ummadar von pestn struméntn bodada soin, durch prodjèkte zo halta draugeschauget, app garade vor ditza un a groaza nètz vo fraiböllege, iz möglich aunemmen an hauf bichtege date übar dise insèkte, baispil bo da vennense un biavl da
soin, saiz di sèlln huamesch, saiz di billn, dise informatziongen pittnåndar pittnar bizzaschaftege nåsüach, gem zuar zo vorstiana bahémme di riskie bodada soin un asó auleng garadege stratedjìan zo schützase”.

Dena di Zucchelli hatt no khött darzuar: “Innvången di laüt zo schütza di impolinatör insèkte, billz nèt lai muanen khennen mearare bizzschaftege sachandarn, ma machan khennen in laüt bia bichte ’z iz haltn da kunt di umbèlt un baz un biavl alle biar mang tüan zo retta in planét.

Übarsetzt von Schaltarle vor di zung von Toalkamou vodar Zimbar Hoachebene