Pet TreC+ men geat aninn en de online tsunthaitdinstn turch en de websait ont pet de app van Provinzal Tsunthaitdinst, bou as drinngea’ òlla de tsunthaitpasuachen ont datn ont as de lait òlbe gea’ meing za schaung. Gèltsgott en TreC+, de trentiner meing prauchen oa’na van earstn websaitn en Balschlont van on-line dinstn ont de kemmen gaholven ver za prauchen s Provinzal Tsunthaitdinst.

TreC+ ist an òrbet van projekt gabellt va de Autonome Provinz va Trea’t, van Provinzalbèrk ver de tsunthaitdinstn ont va de Fondazion Bruno Kessler ont gamòcht turch en Kompetenzzentrum digitaltsunthait TrentinoSalute4.0.

Ver za vernaiern de app TreC+ bart s ganua sai’ aronemmen de nai version van store (Android oder iOS). Ber as nou nèt de app TreC+ hòt, bart sa aronemmen meing va de websait trec.trentinosalute.net pet en nogea’ en de viarungen.

Ganau de naina praich va de TreC+ sai’:

• derzua dinst pet Mypay: de moglechkait za zoln de Tsunthaitdinstn dirèkt drinn en TreC+;
• nochrichtn push tsunthait datn: s kimmp tschikt a nochricht push benn as a mentsh delegart geat drinn en de TreC+ van mentsch as hot en delegart, oder benn as kimmp tschauk an dokument as de saitn van web;
• arkiviarn dokumentn ont rezeptn: meglechkait za verstecken an dokument oder a rezept va de gònze list. S ist kemmen derzua galeikt an suachfiltro as lok sechen de dokumentn ont rezeptn versteckt;
• innviln van mobile va dokumentn gamòcht off-line: meglechkait za derzua leing pet sèlbern dokumentn (tsunthait dokumentazion) dirèkt va cellulare. 

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol