Traduzione in ladino
Na televijion sperimentèla per la mendranzes Linguistiches storiches del Trentin
L é stat publicà n avis de enrescida per operatores del setor
Aldò del swich off de TML – Tele Mendranzes Linguistiches, l canal dedicà a la mendranzes linguistiches storiches del Trentin, l Servije Mendranzes linguistiches locales de la Provinzia autonoma de Trent l à dezidù de meter a jir n servije sperimentèl de HBBTV (Hybrid Broadcast Broadband TV), la televijion ibrida da chela che vegn manà fora programes tras cavo de antena e cavo de rei, evoluzion de la smart TV.
L é stat publicà donca n avis de enrescida per binèr su la comunicazions de enteres di operatores del setor che aessa chela de se tor su a cèria, per un an, chest projet sperimentèl. Se trata de n servije de trasmiscion tras HBBTV de prodoc video su la mendranzes linguistiches zimbres, ladines e mochenes, per la maor pèrt tel lengaz de la mère, che tol ite notizières, servijes de aprofondiment, programes educatives e scolastics.
L projet l é stat sotmetù al parer de la Conferenza de la Mendranzes, l orghen più emportant e raprejentatif de la comunitèdes linguistiches de mendranza storiches, che à dat ju l parer a favor, con chela de ge arsegurèr a duta la trei popolazions de mendranza l derit de aer informazions audiovisives te sie lengaz, descheche perveit la normes provinzièles.
I detaes del avis, de chel che i termins i jirà fora en lunesc ai 6 de mèrz del 2023 da mesdì, i é publiché su la piata internet de la Provinzia autonoma de Trent drucan chest link:
https://sicopat2.provincia.tn.it/pubblicazioni/#/avvisi/dettaglioavvisi?id=75&codiceSA=SA00000845&codiceSistema=1
Traduzion di Servijes Linguistics e Culturèi del Comun general de Fascia
(cdt)
Immagini
