Di vorlegom boda bartn khemmen ågenump mang soin, saiz arbatn vürgetrakk vo schualn, feroine, privètt, saiz konkrètege prodjèkte o augelekk vo firme un “start up” odar vo istitutziongen (Kamöündar, Stattn,Konsòrtzie un åndre entn). Zbisnen in prodjèkte inngètt bartnda khemmen zornìrt an earstn di finalistn von lentar un dena di lentar sèlbart bartnse inngem dar internatzionalegen djurì. Disa bart zornìrn di pestn drai prodjèkte, dar prais bart khemmen gètt atz 25 von bimmat 2024 in okasiong vodar Konferéntz von Hoachan von Govèrne von  ARGE ALP bodase bart haltn in Ticino. Dar trentino o asó khint inngevånk in di meararn fase vo disan internatzionàl darkhenn, boda vürlekk 6.000 euro vor in earst, 4.000 euro vor in zboate un 2.000 euro vor in draite.

Arge Alp iz an arbat Kamòuschaft augelekk atz 12 bon bimmat von djar 1972 atz Mösern, in Tiról, pinn zil zo arbata pittnåndar atz sachandarn boda ågian alln un vånk inn 26 mildjü laüt. ’Z soinda toal vo Arge Alp ’z Taütschlånt pinn Fraiege Stato vodar Bavìara, ’z Österraich pinn Länder Vorarlberg, Tiról un Salzburg, ’z Beleschlånt pinn zboa autonomen Provìntzan vo Poatza un Tria un di redjong Lombardia, di Svaitz pinn Kantöü Grigioni, San Gallo un Ticino.

Dar båndo von konórs un dar formulàr innzoschraibase makmen vennen afte websait: https://www.argealp.org/de

Übarsetzt von Schaltarle vor di zung von Toalkamou vodar Zimbar Hoachebene