Sport, jeghes e spas endèna la scomenzadiva per l sport del Euregio
La ativitèdes de sport de chesta edizion les vegnarà metudes a jir a Malles, te la Val Venosta, te la Scola mesèna “Claudia de Medici”. Chi che tolarà pèrt arà a la leta n program de più sorts che l ge dajarà l met de se dèr ju te disciplines individuèles o de grop desche l’atletica lijiera, l orienteering, l nodèr, la canoa e ence l balon, l beach volley, l spike ball, l street racket, l slakeline e autra ativitèdes de grop. L program de la setemèna l perveit, ence, raides e workshop interatives con esperc de desvalives setores del sport. Arcedadores de marelenga talièna e todescia didarà i joegn a passèr via la dificoltèdes linguistiches, se n fossa, e a miorèr sia cognoscenzes te la comunicazion.

L endrez

Chi che tol pèrt stajarà tel colege Viso Malserhof a Malles. La quota de partezipazion la é de € 150,00 euro e la tol ite la soravèrda, i bèsć, l logament e duta la ativitèdes pervedudes tel program. Do che l é stat fat la enscinuazion no se podarà ciapèr de retorn la refonuda de la speises abudes. La ativitèdes de sport les sarà bilinguales, la ativitèdes individuèles les podarà vegnir metudes a jir da personal calificà per lengaz de marelenga di partezipanc.

Enscinuazions da les 10.00 da doman dai 27 de mèrz del 2023  

Se podarà se enscinuèr a la setemèna del sport demò online, con scomenz da les 10.00 da doman dai 27 de mèrz del 2023. L’amiscion la vegnarà fata aldò del orden de canche rua ite la domanes e enscin a canche sarà post. Per ogne raion geografich vegnarà enjignà na lista de spet. Autra informazions sarà possibol les lejer su la direzion www.europaregion.info/sportcamp.

Traduzion di Servijes Linguistics e Culturèi del Comun general de Fascia