Zbischn de òrbetn va de Union Europea classificart abia nèt direkt, sai' bichte ver en Trentin de sèlln as hòm strukturaln gèlt ont va investimentn as kearn en de ruraln saitn ont pèrng platz as zan mearestn sai' nèt vill galept. A toal riven ont ziln va de Politik va coesione 2021-2027 sai' ver an Europa mear glaim en de lait, as gip paitrog ver za vernaiern de lander en de gònze UE (OS5)”. Der riv spillt as strumentn ver za mòchen investimentn van lònt. Ver za vongen u' de doin òrbetn s ist gamiast as de gamoa'schòftn ont de lokaln amministrazion schèltn hom de bichteste figur.

Ver sèll as keart de òrbetn europei pet a regiar direkt, s hòt an schouber programmen ont iniziativen, ver òlla de saitn ont facher, zbischn de doin de green economy ont de promozion va de digitalet economie, s ist meglech toalnemmen en durch conkursn as mòchen zuanenmmen òlla de lokaln enteressiart durch a stòrcha òrbet va squadra.

S bichteste ober s ist as de europei programmen mein sechen s toalnemmen nèt lai van Statn ober van Regionen, Autonomen Provinzn ont lokaln dinstn zòmm pet de sèlln as mòchen suachen, economischen sektorn ont òndra van lònt.

Der protokoll u'ganòmmen en vraita as de 29 van genner vourstellt se abia an strument ver za pesser mòchen toalnemmen de Autonome Provinz ont de Gamoa'n en de projektn va de UE asou abia en òndra virm va paitrog as kemmen gem va de internazionaln aktorn (fondazionen ont internazionaln organizzazionen)

En de obiektiven as sai' en dokument en bea'ne beirter sai':

- mòchen en amministrazion lokaln livell an vurm gamòcht za gem bèrt en nemmen strumentn as gilte sai' (aa benn nèt dèster) abia de sèlln europei;

- hom òlbe vernaiert de informationen en de mechlechketn as mein kemmen attivart;

- aupaun de bissschòft ont s kennen ver za guat òrbetn pet de rechtn lait en de òndern livelln, ver za paun nètzn, vourtschbinnen òrbetn ont projektn, zòmmòrbetn en de progettazion ont en mòchen van vourtschbinnen van programmen projektn as sai' òlbe nai;

- organiziarn momentn ver za long bissn ont u'learnen de amministratorn ont de lait as òrbetn en de Lokaln Dinstn en de meglechketn as kemmen opfert va de Union va de Europa ver za meing sterchern s sai' guat va de amministrationen za vourtrong ont regiarn projektn ont vourtschbinnen as en livell va de europa ont ver de gònze bèlt aa;

- mòchen nètzn ver en lònt zòmm en òndra aktorn va de òllgamoa', ont lait aa as mòchen suachen, economischen u'stelltn ont òndra organizzazionen;

- vourstelln zan leistn projektn va de gamoa'n Provinz/lokaln Dinstn as a toal temen va òrbet.

De bichtegen informationen barn sai' drinn en an informatischen piattaforma ont galok bissn turch a newsletter as bart kemmen tschichkt zaitlech abia as ist kemmen gamoat en jarlech programm va òrbet. En de glaiche piattaforma, de lokaln dinstn barn hom de meglechket za long bissn de sai'na ideen ver za suachen de partner ver de projektn.

Der protokoll kimmp ausgalek en riven va de europea programmazion 2021-2027 no en projekt va òrbet strategische Next Generation EU ont s mechet kemmen vernaiert no abia as geat de zait as tauert de europeische programmazion.

En de Unitat va Strategische Mission ver de lokaln Dinstn, lònt politischen ont van pèrng. Ver sèll as keart en de Provinz va Trea't s ist kemmen gem de òrbet za noschaung en dòi projekt en assessor as hòt unter de Lokaln Dinstn ont de Nètzn pet en Provinzal Rot.

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)