L Euregio l sostegn i joegn talenc musicai
L’otava edizion de la setemèna de musega de l’Orchestra di joegn de strumenc a fià del Euregio l’à desche obietif sostegnir i joegn musicisć che à talent, i fèr cognoscer anter de ic sorafora i confins nazionèi e linguistics e ge dèr l met de sonèr dessema.

I conzerc
I conzerc finèi de l’Orchestra di joegn de strumenc a fià del Euregio i vegnarà endrezé te duc e trei i teritories:
En vender ai 26 de messèl del 2024 tel Trentin (post amò da dezider), en sabeda ai 27 de messèl del 2024 al Grand Hotel Gustav Mahler de Dobiach e en domenia ai 28 de messèl del 2024 tel chèder di Promenade Concerts de Dispruch. Ai joegn musicisć ge stajarà do i diretores Andreas Waldner (Tirol), Hannes Schrötter (Sudtirol) e Franco Puliafito (Trentin). N auter conzert pervedù ai 20 de jugn del 2025 a Mayrhofen, te la Zillertal sudtiroleisa, tel chèder del congres de la Sociazion austriaca de musega per strumenc a fià. Chi che tol pèrt a l’Orchestra di joegn di strumenc a fià del Euregio de chest an i é envié a se enscinuèr tel medemo temp ence al projet spezièl 2025.

Enscinuazions enscin ai 30 de oril
L é possibol se enscinuèr enscin ai 30 de oril, tras chest link: https://bit.ly/orchestra-giovanile-euregio
La quota per tor pèrt a la setemèna de proes de l’Orchestra di joegn de strumenc a fià del Euregio la é de 150 euro e la tol ite cost, cartier, partidura e viac da Dispruch, Busan e Trent.

Traduzion di Servijes Linguistics e Culturèi del Comun general de Fascia