L program de la sera l é pojà con gran fondament sul dialogh anter epoches, lengac e sensiboltèdes desferentes, leèdes da n fil prezis: l raport creatif co la tradizion. N percors che desmostra coche l passà no sie n zil, ma na materia viva, da lejer endò, da enventèr da nef e da mudèr.

Program del conzert

•W. A. MOZART – Così fan tutte K. 588: Ouverture

• I. STRAVINSKIJ – Pulcinella, suite

• V. TOSATTI – Divertimento per orchestra da camera

• F. MENDELSSOHN BARTHOLDY – Sinfonia n. 4 in la maggiore op. 90 “Italiana”

A averjer la performance sarà la energia teatrèla e la ironia fina de “Così fan tutte” de Wolfgang Amadeus Mozart, a chela che ge jirà do l son de stamp neoclassich de Igor Stravinskij co la suite “Pulcinella”, bona de ge verdèr al Setcent coi eies modergn del Nefcent. Tel zenter del program arà sia lèrch la originalità de Vieri Tosatti con “Divertimento per orchestra da camera”, caraterisà da deribolenza formèla e lirism encrescegol. A serèr su l conzert descheche carenea sarà la cognosciuda e lumenousa Sinfonia “Italiana” de Felix Mendelssohn Bartholdy, capolaor leà a la atmosferes e a la tradizion popolèra de la Tèlia.

Metuda su del 1960 e protagonista te depiù sales da conzert de nonzech te dut l mond (dal Mozarteum de Salzburg a la Suntory Hall de Tokyo), la Orchestra Haydn de Busan e Trent ge donarà al publich de Fascia na sera de gran gran calità artistica che no sarà sorì se desmentièr.

Informazions de utol

Data e ora: en jebia ai 17 de setember 2026, da les 20.45

Lech: Teater Navalge, Moena

Azes: la entrèda la é debant e no serf se enscinuèr dantfora.

Contac e Info: de autra informazions aló dal Istitut Cultural Ladin

Email: info@istladin.net | Telefon: 0462764267

Traduzion di Servijes Linguistics del Istitut Cultural Ladin de Fascia

(SR/nc)