Ufficio Stampa della Provincia autonoma di Trento

Martedì, 07 Settembre 2021 - 08:14 Comunicato 2420

Traduzione in mòcheno
“Offeta miln”: en Trentin s hòt 34 strukturn, abia miln, song ont schmittn, as de tirn en de lait autea’

En sunta af de 5 van leistagest ist der to unterstizt va de Associazione Italiana Amici del Mulini Storici

De 5 van leistagest ist der to “Offeta miln”, a naiket unterstizt va de Associazione Italiana Amici dei Mulini Storici (AIAMS) as òrbetet petn rif za studiarn, giltn ont unterstitzn de bòsserstrukturn en Balschlònt. En de provinz va Trea’t de strukturn as men pasuachen mu sai’ 34: miln, song ont schmittn as òllgamoa’ oder privat sai’. Rif van doi to ist mòchen kennen en de lait a pahalter va architektur, technologi ont kultur as vilvert vergèssen kimmp, mòchen verstea’ abia ver de kultur ont de architektur bichte as ist schitzn de doin haiser, vourtschbinnen virm va schualturismus, unterstitzn s kennen van platz as vilvert nou bill sai’ ont, aa bichte, biderprauchen a milòrbet as guat ist za moln no en de tròcht ver za mòchen biologisches mel ont produktn as tsunts èssn sai’. Vourstea’ner ver en Trentin ist Antonella Mott van Museo degli Usi e Costumi della Gente Trentina.
"De Mil": il mulino ad acqua di Frassilongo/Garait, una delle sedi museali dell'Istituto culturale mòcheno/Bersntoler Kulturinstitut [ Archivio Servizio minoranze linguistiche - Foto Giorgio Moser]

De naiket lòk aninngea’ en òrbetplatz as runt schea’ sai’, as de vinnen se um en telder, bou as de kròft van bòsser riarn kònn de reider ont de plinder as doin jor gaòrbetet hom ver za moln s mel, ver za schnain aus vlecken ont ver za paun òrbetplinder va aisn. Der to “Offeta miln” ist organisiart en plòtz van Europeische Ta van Miln, en program en de dritte boch va moi, naiket as en de leistn zboa jarder nèt gamòcht kemmen ist ver de problem u’gahenk en Covid-19.

Offeta miln en Bersntol ont Panait:

  • DE MIL, Oachlait (Bersntol) Offetzaitn: 10:00 - 12.00 | 15.00 - 17.30 Info: 0461.550073 kultur@kib.it
  • DE SOG VAN RINDEL, Vlarotz (Bersntol) Offetzaitn: 10.00 – 12.00 | 15.00 – 17.30 Info: 0461.550073 kultur@kib.it
  • MULINO MOSER PRESSA, ke de Prada, frazion Faida – Panait Offetzaitn: 14.00 - 17.00 Info: 335 7704 670

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)

(cdt)

Fonte: Ufficio Stampa

Versione Stampabile

Immagini

Visualizza

Potrebbero interessarti: