La jebies culturèles del Euregio a la “Casa de la Pesa” de Busan les vegn endò endrezèdes. Vigni terza jebia del meis vegn pervedù tel program evenc, laboratories e ocajions de cognoscenza per gregn e per bec.
La pruma scontrèda en program la sarà en jebia ai 19 de jené del 2023, da les 6 da sera, con na letura scenica che recorda l’anescion oblighèda di trei comuns ladins de Souramont (Cortina d’Ampezzo/Anpezo/Haydn, Livinallongo/Fodom/Buchenstein e Colle Santa Lucia/Col/Verseil) a la Provinzia de Belun da man del goern fascist. I trei Comuns, per secoi, i aea fat pèrt del Tirol storich; la anescion la é stata fata ai 21 de jené del 1923, apontin acà cent egn.
Jirà sun paladina dotrei sentadins de Souramont, che lejarà tesć storics e d’aldidanché. La letura scenica la é stata endrezèda adum dal Euregio, da la Sociazion Culturèla “Casa della Pesa” e dal Istitut Cultural Ladin Cesa de Jan de Col. L event l sarà viventà co la musega del grop ensemble “Kropya”.
La entrèda la é debant, scin canche no vegnarà arjont l numer massimal de vijitadores ametù.