![](/var/002/storage/images/media/immagini-comunicati-stampa/l-iorchestra-giovanile-di-fiati-dell-euregio-image/3739262-3-ita-IT/L-iorchestra-giovanile-di-fiati-dell-Euregio_imagefullwide.jpg)
Dar Euregio schützt djunge musitzìst talentn
Da achtege editziong vodar musìk boch vodar djung Orkèstra vo plasstruméntn von Euregio hatt ’z zil zo schütza djunge musitzìst talentn, machantese bokhennen, übar di natzionàln un linguistìk grentzan un zuargemen zo maga faivan pittnådar.
Di kontzèrtn
An ende di kontzèrtn vodar Djung Orkèstra bartnse haltn in alle drai di lentar:
an vraita atz 26 höbiat 2024 in Trentino (bo boaztmaz nonet), an såntzta 27 höbiat in Grand Hotel Gustav
Mahler vo Toblach un an sunta 28 von höbiat 2024 drinn in Promenade Concerts vo Innsbruck. Di djungen musitzìstn bartn soin durchgevüart vpn dirèktör Andreas Waldner (Tiról), Hannes Schrötter (Südtiról) un Franco Puliafito (Trentino). An åndadar kontzèrt bart khemmen gemacht atz 20 von prachant atz Mayrhofen, in tirólar Zillertal, antånto in trèff vodar österraichesche feroine von plasstruméntn.
Di sèlln boda nemmen toal dar Djung Orkèstra vo Plasstruméntn vo haür soin inngeladet innzoschraibase in da gelaichege zait in spetziàl prodjèkt von djar 2025.
Zait innzoschraibase sin atz 30 von abrèl
Ma makse innschraim sin atz 30 von abrèl durch disan link: https://bit.ly/orchestra-giovanile-euregio
Dar toal boma mocht zaln innzoschraibase afte boch prüf voda Djung Orkèstra vo plasstruméntn von Euregio iz vo 150 euro un haltet inn ezzan, slavan, musìk tèkstn un in viazo vor un vo Innsbruck, Poatzan un Tria.
Übarsetzt von Schaltarle vor di zung von Toalkamou vodar Zimbar Hoachebene