Va letratn va de lòntschòft, as letratn va umpau ont euroregional kultur: ver en klender van 2024, der Euregio Tirol-Südtirol- Trentin suacht de schea’nestn letratn van drai lander, durch a naia edizion van letratprais. Der bichteste tema plaip der sèll van vòrm ont van jorzaitn. S meing toalnemmen en letratprais òlla de lait van Tirol, Südtirol ont Trentin, men hòt zait za schicken de letratn finz as de 3 van leistagest durch de internetsait van Euregio. De letratn as barn gabingen barn kemmen gadruckt ver za meing auhengen as de bònt ont aa ver za leing asn tisch. “Bail de jarder der lust van toalnemmer hòt en gem en  prais an bichtegen bèrt ver de insern gamoa’schòftn: an iatn druck lòk sechen de schea’nekait va de lòntschòft ont s gip gilt en de bècksln iber de grenzn ont en kultural zòmmhòlt van Euregio”, derklort der president va de autonome Provinz va Trea’t ont van Euregio der Maurizio Fugatti.
“Haier aa lònn ber inn òlla de lait as kemmen van doin drai lander za stelln vour de schea’nestn letratn, bou as men konn sechen de schea’nekait va de inser lòntschòft”, hòt er tsòk der kapitan van Tirol Anton Mattle.
“Der letratprais hòt vil toalnemmer gahòt ont der klender van Euregio ist bolten pfrok kemmen. Van  klender konn men sechen de schea’nekait va de lòntschòft, va de natur, va de kultur ont va de architektur van Tirol, van Südtirol ont van Trentin, ont der bart guat tschazt kemmen va vil lait van Euregio, ont va aus aa, en 2024”, sok der President va de autonome Provinz va Poazn, Arno Kompatscher.