Gor de Elisa Bertò hòt unterstitz abia s puach, as kimmp auser va de zòmmòrbet as hòt vourganommen de doin hoacklegen temen, probiart nèt za u’glaichen de gschichtn van drai ourtn, ober za vinnen an glaichen vurm ver za òrbetn zòmm. “De presidenz van Trentin ont de projektn Euroregional billn mòchen mear projektn, gor ver za learnen ont zigln de gamoa’schòft, ver dòs sai ber noch za òrbetn ver an digital atlante va de gschicht, pet vour de Fondazion van Gschicht Museum van Trentin, ver za unterstitzn, pet kartine, s toalmòchen ont de gschicht van drai ourtn”.
Der schraiber hòt gadenkt as s puach ist kemmen vourtschbinnt iberhaup ver de jungen, ver za lòng nèt kemmen òlls glaich abia as vil vòrt tschicht s haitzegento pet de inger jungen. An òrbet gamòcht nèt ver za miasn leing en kopf an vurm za tschbinnen ober ver za gem an onung van kompliziarte vourstell.
Abia kein, en nai druck van puach de lait as lesn barn vinnen aa a sait as klòfft va de Europa òlbe glaimer, pet de projektn gamòcht zòmm zbischn en Euregio Tirol Sudtirol ont Trentin as de kultural sait ont van enviretrong van jungen, ober aa van verkearnmittln, umbèlt, energi ont vernaiern.
En zeichen jor, der Euregio, gamòcht abia GECT (Europeische grupp va zòmmòrbet zbischn de lander) en 2011, hòt enviretrong mear as 350 projektn. Zbischn de dòin ist kemmen gamòcht der Festivan va de Jungen van Euregio, der prais pet de radler Tour of Alps, der Euregio Familien Pass, der Rapporto La’ Euregio, s Gadenk va Andreas Hofer ka Mantova ont de òrbetn van 2021 as de Museen van Euregio.
S puach, pet en vourbourt gamòcht van president va de Autonome Provinz va Trea’t ont van Euregio Maurizio Fugatti; van president va de Autonome Provinz va Poazn Arno Kompatscher ont van kapitan van Tirol Gunther Platter mu men en sechen en format e-Book en doi link:
Letrattn gamòcht van Druck Dinst
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
