Traduzione in cimbro
Dar Kulturàl fintzta von Eregio aftz Eduard Reut-Nicolussi
Ma venntze atz 21 von lentz in Haus vodar Bage ka Poatzan di sèkse in tages
[Cimbro] Dar kulturàl fintzta von Euregio boda khint, boda bart soin atz 21 von lentz di sèkse in tages in Haus vodar Bage ka Poatzan in bege von Pòrtege, bart soin übar in Eduard Nicolussi Reut, boda iz gebortet ka Tria ’z djar 1888, un iz gest vo Lusérn, djurìst, espèrt von rècht von fölk un politiko. Dòpo in earst bèlkriage izzar khent z’soina ummadar von gekhennarstn leader von Tiról boda pinn kriage iz gest khent getoalt. Testimonjo un protagonìst von bichtegerstn sachandarn boda soin vürkhent in da earst halbezait von XX djarhundart, dar Reut Nicolussi steat a riferimént un soi lem zoaget hoatar di stòrdja von lentar boda haüt soin toal von Euregio. Zo gedenkha in månn barta soin Michael Gehler, universitét profesór un biograf von Eduard Reut-Nicolussi ’z barta soin di musìk von Piccolo Coro vo Poatzan o.
Ma mage nemmen toal åna zo mocha zaln sin azta bart soin platz.
Di trèff von Kulturàln fintzta von Euregio soin khent augelekk vor zboa djar von Euregio Tiról-Südtiról-Trentino pittnåndar pittar kulturàl feroine Casa della Pesa: a bòtta aftn månat in Haus vodar Bage ka Poatzan, in progråmm soinda schauspiln, labör un okasiongen zo khennase vor groaze un vor khindar o.
Übarsetzt von Schaltarle vor di zung von Toalkamou vodar Zimbar Hoachebene
(cdt)
Immagini
