Berda bill nemmen toal mocht khennen gåntz garècht da belese zung saiz geschribet azpe geredet. Azta di vorsch möchatn soin mearar baz di plètz barta dråkhemmen pellar berda sa hatt eppaz geschribet, dena berda khint von trentinar teldar un pèrng. Azta beartn z’soinada laüt pinn gelaichegen titln bartma zornìrn nå in tèkstn boda soin khent inngètt, ’z barta soin vor ditza a komisiong gemacht von schraibar Valerio Millefoglie pittar Emanuela Rollandini un Lucia Cella, funzionardje von UMSt obarintendentz vor daz kulturàl geplèttra vodar Provintz.
Darzuar in vünf trèff online gemacht alle pittnåndar bartnda soin okasiongen zo vennese pinn reférentn un pitt åndre laüt vodar trentinar kultùr bèlt boda bartn auleng trèff vor aniaglan toalnemmar.
Di tèkstn boda bartn khemmen geschribet in disa bèrkhstatt bartn khemmen gelekk alle in an uantzegez puach un auzgètt pinn titl “Da ogni mondo, il paese. Guida di viaggio ai luoghi che ci portiamo dentro”.
Di vorsch mochan khemmen inngètt vor di zbölve von 5 von hornung 2024 aftn indiritzo mail:
emanuela.rollandini@provincia.tn.it
Zo nemma toal in trèff boda bart khemmen gezoaget dar båndo izta mångl innzoschraibase afte plattform Mondo
Trentino Village https://mondotrentinovillage.it/
Da ågehenkh dar vorsch innzoschraibase
Übarsetzt von Schaltarle vor di zung von Toalkamou vodar Zimbar Hoachebene
