L é encomai più che 900 i “abitanc” de chest paisc virtuèl che l é n lech olache chi che se sent trentin fora per l mond pel se scontrèr, se bartèr e spartir idees.

Con chesta piataforma se vel tor ite apontin e coleèr en rei i trentins e sie descendenc trentins, che vif a la foresta, tel Trentin o tel rest de la Tèlia.

De la community, che la sporc na fenestra de valuta orida sul mond metuda adum ence da informazions e projec,  fèsc pèrt  persones con enteresc, esperienzes e profescions desferenetes ma leèdes da la voa de aer n contat col Trentin e la comunaza trentina.

La piataforma, pissèda da la Unità de miscion scempia Coejion teritorièla e valorisazion del capital sozièl trentin a la foresta, la strutura che laora fora e realisea la politiches e i endrec de projec de la Provinzia Autonoma de Trent a favor de trentins che stèsc a la foresta e de sie descendenc, la é stata metuda a jir aldò de na coprojetazion a chela che à tout pèrt la Sociazion Trentins tel Mond e la Union Families Trentines a la Foresta.

Se scriver ite a https://mondotrentinovillage.it/ l é dalbon sorì. Bèsta pech: l é assà scriver ite l inom e l cognom, se cerner l profil e se coleèr con duc chi che fèsc pèrt del “Mondo Trentino Village”.

Traduzion di Servijes Linguistics e Culturèi del Comun general de Fascia