Martedì, 14 Settembre 2021 - 15:55 Comunicato 2512

Traduzione in mòcheno

U'ganommen de nai konvenzion ont der nai statut van Gect Euregio

De provincial Junta van trentin hòt u'ganommen de nain tovln va de konvenzion ont van Statut van GCT Euregio Tirol – Sudtirol- Trentin, der istituzional strument ver za mòchen òrbetn ont projektn ver en birtschòft ont hilf riven, durch a nètz va zòmmòrbet zbischn de region van drai lander. Der dokument rift se, ver de trentinische sait, der vurm va bècksl van zboa dokumentn, zan earstn untertschrim van drai presidentn van Autonome provinzn va Trea't ont va Poazn ont van Tiroler Land as de 14 van prochet 2011. Der doi to ist augongen der Europeische Grupp va zòmmòrbet van lander zòmmpuntn pet gschichtn burzn ont praicht.
Pet en untertschraim va de Konvenzion ont van Statut van Euregio hòm se òlbe mear versterchert de zòmmòrbetn zbischn de drai lander ont s sai' u'pfonkt an schouber projektn as hom gaholven de lokaln laitschòftn.
En kurza zait de toalnemmer van GECT, no de bècksln as sai' kemmen gamòcht en de politiker, social ont birtschòft ont van nai'n òrbetn ont projektn ver de zaitn as hom za kemmen; s ist kemmen tschbunnen zòmm za gem de meglechket za hom de dokumentn verglaichert van aktn va innsitz van glaiche dinst, asou za vongen u an process va vernaierung.
De nain tekstn va de konvenzion ont van Statut hom va naieket a toal naia sochen as barn kemmen u'ganòmmen bail de presidenz regiart van trentin van GECT, as bart u'vongen van schanmikeal 2021 envire.

Le bandiere dei tre territori che compongono l'Euregio: Tirolo, Alto Adige e Trentino [ Europaregion Tirol Südtirol Trentino / Euregio Tirolo Alto Adige Trentino]

De doin sai' de bichtestn naieketn:

Vergreasern de Zòmmtreff, iaz gamòcht pet 15 toalnemmer (vouraus sai’ se gaben 12), asou gamòcht: van president ont an òndern toalnemmer van esekutiv orgln van an iatn van drai saitn van GECT Euregio ont va drai toalnemmer (president ont òndra zboa toalnemmer), van gasètz orgln van drai toalnemmer van GECT; s ist asou vergreasert va zboa as drai de toalnemm van zòmmtrèff van toalnemmer van gasètz orgln van drai toalnemmer van GECT;
Moglechkait za innsitzn auskenneta Junte, gamòcht va toalnemmer van regiar orgln as kennen se aus van dòin sòchen ont za meing gem en direkta òrbetn; de presidentn van doin auskenneta Junte bart sai' van regiar orgl va bou as toalnimmp der President van GECT;
mòchen toalnemmen de gamoa'n, durch s innsitz van Rot van Gamoa'n, an vrong orgl ver sòchen ont òrbetn ont temen as kearn en de gamoa'n ont s sèll as de hòm za tea' ont as dirèkt ver sei' sai', toalganòmmen van vourstea'ner van Gamoa'n as sai' en de lander as kearn en Euregio Tirol – Sudtirol – Trentin as hom an bolschicht;
mòchen toalnemmen de lait, turch s innsitz va Rotn gamòcht ver dòs va lait va de gamoa'schòft ver za enviretrong bichtega temen ver en GECT, pet de moglechkait za vourtrong òrbetn ont naia projektn vourtschbunnen pet en rècht va petizion.

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)

(cdt)