Ufficio Stampa della Provincia autonoma di Trento

Lunedì, 13 Settembre 2021 - 19:53 Comunicato 2504

Traduzione in ladino
Tor sù più personal ti Comuns con popolazion mendra che 5.000 jent

L’é stat aproà l document che endreza chesta oportunità resservèda ai enc che à cernù la Gestion sozièda de servijes spezifics

Se smaora la oportunitèdes de tor sù personal per i Comuns del Trentin, con referiment ai Comuns de popolazion mendra che 5.000 jent. La realtèdes aministratives che dezidarà de endrezèr sorts de atività a na vida sozièda les arà l met de tor sù più personal, dò che l’é stat conzedù la prumes 100 neves assunzions deliberèdes via per l meis de mèrz da la Jonta Provinzièla, a una col Consei de la Autonomies Locales, per dèr na responeta ai besegnes di comuns con na gran mencianza de personal.
L provediment, che l’é stat aproà anché da la Jonta su la proponeta de l’assessor ai enc locai, l vegn cà da n confront col Consei de la autonomies locales e l recognosc la gran emportanza di servijes che vegn sport dai comuns del Trentin.
Sede del Municipio di San Giovanni di Fassa in località Pozza di Fassa [ CdT, Archivio Servizio minoranze linguistiche PAT, CC BY SA 4.0]

La novitèdes les revèrda i Comuns che seghita a tor pèrt a na gestion sozièda o che i à jà en esser na gestion sozièda con amancol n auter comun per l’endrez de amancol 3 ativitèdes anter cheles troèdes fora tel provediement (Secretariat generèl, personèl e organisazion; ofize tecnich, urbanistica e endrez del teritorie, anagrafe, comerz, servijes informatics) opuramenter amancol 2 ativitèdes che abie l’endrez finanzièl e de la entrèdes. Vigni Comun che tol pèrt a la gestion sozièda di servijes l podarà tor sù n nef dependent. L provediment spezifichea ence i criteries con chi che i Comuns che no à assà ressorses finanzièles, pel domanèr l contribut de la Provinzia, per ge fèr front ai cosć per tor sù personal, amancol per l prum trat de temp.

Tel provediment aproà anché l’é stat troà fora ence de autra oportunitèdes de assunzion per i polins, desche per ejempie per l personal de sajon a temp determinà ti trac de temp de auta sajon, da man di Comuns a cef di servijes sozié di polins.

Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)

(cdt)

Fonte: Ufficio Stampa

Versione Stampabile

Immagini

Visualizza

Potrebbero interessarti: